“Плей-офф ўйинларида ҳеч қайси жамоани ҳисобдан чиқариб бўлмайди. Европа ва жаҳон чемпионларига қарши ўйнаймиз. Уларни ҳурмат қиламиз, аммо ўз кучимизга ишонамиз. ПСЖ Мюнхенга ғалаба учун келди.
“Бавария” – жуда яхши шаклланган жамоа. Улар юқори ҳимоя чизиғи билан ўйнайди ва ҳужумкор футболчиларнинг индивидуал маҳоратлари эвазига баҳсда ғалаба қозонади. Биз тўғри балансни топишимиз керак, хавфли зоналарда тўпни йўқотмай, хотиржам ва эҳтиёткорлик билан ўйнашимиз керак.
Неймар ва Мбаппе ҳақида жуда кўп гапиришмоқда, аммо асосий таркибга 11 кишини киритаман, уларга зафар қучишимиз учун зарур бўлган ишни уддалашни ишониб топшираман.
Ўтган мавсум “Бавария” билан финалда ўйнадик. Ҳозир эса вазият бошқа, бизни икки ўйиндан иборат тўқнашув кутмоқда. Гап қасос олишда эмас. Бизни янги чақирув кутмоқда. “Бавария”дек кучли жамоани мағлуб этиш, бу доимо чақирув демакдир”, дейди Почеттино.

Почеттино: “ПСЖ Мюнхенга ғалаба учун келди”