Аввалроқ футболчи 4 йилга четлатилган, бироқ кейинроқ ушбу муддат 18 ойгача камайтирилиши оқибатида хавбек 2025 йил март ойида майдонга туша оладиган бўлди.

Мен [CAS қарорирдан] жуда мамнунман. Мен ҳеч нима қилмадимку – қайси айбим учун тўрт йил жазо тайинланиши керак? Энди яна севимли ишим билан машғул бўла оламан. Табиийки, мен у [Дидье Дешам] билан гаплашдим. У доим ёнимда турди ва мени қўллаб-қувватлади. Ундан қаттиқ миннатдорман. Менга иккинчи имконият берилгандек, қўлимдан олиб қўйилган нарсамни қайтариб беришгандек. Бу ҳаётимнинг янги саҳифаси. Яқинда март ойи келади ва мен буни интиқлик билан кутяпман.

Фаолиятимни Лига 1да давом эттириш имкониятим борми? Мени ҳозир ҳам клубим бор, мен фақатгина майдонга қайтишни ва юзага келган вазиятдан чиқишни ўйлаяпман. Бироқ эртага нима бўлишини ҳеч ким билмайди. Шунинг учун ҳеч қачон "ҳеч қачон" дейиш керак эмас.

Бўлажак жаҳон чемпионатида ўйнашни истармидим? Менинг асосий вазифам – бу, авваламбор, спорт формамни тиклаш, чунки мен узоқ вақт майдондан ташқарида эдим. Ҳозир мен фақатгина футбол майдонига қайтишни хоҳлайман. Терма жамоада ўз клубларида яхши ўйин кўрсатаётган йигитлар бор ва миллий терма таркибига кириш фақат ўзимга, ўйинимга боғлиқ.

Погба: "Ҳеч қачон "ҳеч қачон" дейиш керак эмас"