"МЮга марказий ҳужумчи керак. Шундай деб ўйлайман. Агарда улар Харри Кейн трансферини амалга ошира олишса, жамоа АПЛ чемпионлиги учун кураша оларди.

Кўпчилик мухлислар Марсьяль яхши ўйнаётганини, Гринвуд эса супер юлдуз бўлишини айтмоқда. Агарда улар марказий ҳужумда Кейннинг ротацияси учун ишлатилса, уларнинг ҳар бири 20тадан ошиқ гол ура олишарди.

Марсьяль зўр футболчи, лекин бундай ўйини билан МЮ АПЛ чемпионлиги учун ўйнай олмайди. Чемпионликни доимо барқарор жамоа қўлга киритган. Кейн эса МЮга шундай барқарорликни тақдим қилади, чунки у лигадаги энг зўр ҳужумчи. У йўқдан бор қилади. Шу сабабдан "Юнайтед"га туғма тўпурар керак.

Шундай ўйинлар бўляптики, МЮга тўпни ушлаб тура оладиган футболчи керак бўлмоқда. Улар доим ҳам тўпни ўзларида ушлаб тура олишмаяпти. Кейнда ушбу ҳислат мужассам. Бу ҳам чемпионлик учун давогарлик қилишда керак бўлади.

Янги мавсум тезда бошланади, буни эса яхши бошлаш керак. Дастлабки 5-6 ўйинда ғалабага эришса, жамоа чемпионлик учун курашади. Ўтган мавсумда "Ливерпуль"нинг тезлигига ҳеч ким дош бера олмади. Натижада ноябрь ойидаёқ барчаси тугади", деди Мерсон.

Пол Мерсон: "МЮ Марсьяль билан АПЛни юта олмайди"