Ҳал қилувчи финал ўйинида “Бенфика” ва “Порту” ўзаро куч синашди.

Учрашувнинг 37-дақиқасида “Порту” ҳужумчиси Луис Диаснинг майдондан четлатилишига қарамай, иккинчи бўлимда ҳимоячи Шансел Мбемба “дубль”га эришди. “Бенфика” ҳужумчиси Винисиус Мораиснинг пеналтидан киритган голи эса орадаги фарқни қисқартирди.

Натижада 2:1 ҳисобида ғолиб чиққан “аждарлар” 17-бор Португалия кубогига эга чиқишди. Бу борада улар “Спортинг”га тенглашиб олишди. Кубокда ғолиб чиқиш бўйича рекордсмен “Бенфика” (26 марта) ҳисобланади. Таъкидлаш жоиз, Сержиу Консейсао мураббийлигидаги “Порту” ушбу мавсумда мамлакат чемпионлигини ҳам қўлга киритганди.

Португалия кубоги. Финал

Бенфика – Порту 1:2 (0:0, 1:2)

Голлар: 0:1 – 47 Мбемба, 0:2 – 58 Мбемба, 1:2 – 84, пенальти Винисиус.

Бенфика – Влаходимос, Жардел, Рубен Диаш, Нуну Тавареш, Алмейда, Пицци (Жота, 76), Габриэл, Вайгль (Винисиус, 60), Серви (Рафа Силва, 46), Шикинью (Таарабт, 60), Сеферович (Диего Соуза, 76).

Порту – Диогу Кошта, Теллес, Мбемба, Манафа, Пепе, Корона (Сержиу Оливейра, 80), Данилу Перейра, Марега, Урибе (Лум, 88), Диас, Отавио (Диогу Лейте, 73).

Огоҳлантириш: Диас (9), Рубен Диаш (12), Жардел (44), Вайгль (46), Винисиус (75), Теллес (90).

Четлатиш: Диас (38).

Португалия кубоги. “Порту” бир киши кам бўлиб қолишига қарамай “Бенфика”ни мағлуб этди