Andijon (Andijon) – Neftchi (Farg'ona)
22 iyun. Andijon. “Sog'lom avlod” stadioni. 18:00
Hakamlar: V. Ceytlin (Toshkent), A. Capenko (Toshkent viloyati), T. Galeev (Toshkent), V. Najafaliev (Toshkent)
Nazoratchi: V. Valickiy (Toshkent).

“Andijon” va “Neftchi” oliy ligada 40 bor kuch sinashishgan. Katta ustunlik “Neftchi” tomonida. 29 ta o'yinda “Neftchi” raqibni mag'lub etgan. Olti o'yinda “burgutlar”ning qo'li baland kelgan. Yana besh uchrashuvda durang natija qayd etilgan. “Neftchi” o'zaro o'yinlarda 82 bor raqib darvozasiga yo'l topa olgan. “Andijon” esa 34 marta gol ura olgan. “Neftchi” o'zaro o'yinlarda 92 ochkoni qo'lga kiritgan bo'lsa, andijonliklar hisobida 23 ochko mavjud. “Neftchi”ning “Andijon” ustidan qozongan eng yirik g'alabasi – 7:1. “Burgutlar”ning eng yirik g'alabasi esa - 2:0.

O'tgan mavsum “Andijon” birinchi ligada o'ynagandi. 2012 yildagi o'yinlarda qaysi jamoa mezbon bo'lsa o'sha g'olib chiqqan. Andijondagi uchrashuvda tojikistonlik Farhod Tohirovning bahs so'nggida urgan goli mezbonlarga uch ochko taqdim etgandi – 1:0. Farg'onada ham bitta futbolchi gol urgan, biroq Anvar Berdievning o'zi ikki bor “burgutlar” darvozasini ishg'ol qilgan – 2:0.

Andijonda o'tgan so'nggi besh uchrashuv:
29.04.2012 Andijon – Neftchi 1:0
29.05.2011 Andijon – Neftchi 2:3
27.07.2010 Andijon – Neftchi 1:0
19.09.2009 Andijon – Neftchi 3:2
18.05.2008 Andijon – Neftchi 0:0

O'zaro o'yinlar haqida fakt: “Andijon” o'z maydonida anchayin kuchli raqiblarni ham mag'lub eta olishini bilamiz. Ammo “Neftchi” ularga juda noqulay raqibdir. “Andijon”ning o'z maydonida “Neftchi”ga qarshi o'tkazgan barcha o'yinlari natijalari quyidagicha : 6 g'alaba, 4 durang, 10 mag'lubiyat.

Prevyu. "Andijon" - "Neftchi"