Birinchi uchrashuvdan keyin "Arsenal" Evropa ligasining navbatdagi bosqichi uchun katta qadam tashlagandek bo'ldi. Biroq hali ham masala uzil-kesil hal bo'lmadi. Chunki Arsen Venger boshqaruvidagi jamoa barqarorlikni namoyish etmayapti.

"Arsenal" - "Milan"
16 mart, 01:05.
Bosh hakam: Yonas Eriksson (Shveciya).
Taxminiy tarkiblar:
"Arsenal": Ospina - Belerin, Mustafi, Koselni, Monreal - Remzi, Jaka - Mxitaryan, Uilshir, O'zil - Uelbek.
"Milan": Donnarumma - Rodriges, Romanoli, Bonuchchi, Sapata - Bonaventura, Bilya, Kessi - Suso, Kutrone, Cholhono'g'li.

Ikki jamoa ham Evropa ligasining navbatdagi bosqichiga chiqishni niyat qilgan. Milliy chempionatda ECHLga yo'llanma olish uchun "Milan"da "Arsenal"ga qaraganda imkoniyat yaxshiroq. APLda London jamoasining ahvoli anchagina og'ir. Milanliklar birinchi o'yindagi omadsizlikka qaramay, bemalol g'alaba uchun kurasha oladilar.

"Milan"da tarkib borasida bir necha muammolar bor. uzoq vaqtdan buyon lazaretda bo'lib turgan Kontining yoniga Kalabriya ham qo'shildi. Borini maydonga tushishi mumkin. Gattuzo uni so'nggi mashg'ulotlarda aynan shu poziciyada o'ynatmoqda.

Balkim buning bir yaxshi tomoni ham bordir, futbolchi hujumga ham yordam berishi mumkin. Gattuzo o'yinda ikki hujumchi - Patrik Kutrone va Andre Silvani ham tushirishi mumkin.

O'ZARO O'YINLAR

Jamoalar o'zaro 7 marta to'qnash kelgan. Shularning 3tasida londonliklarning g'alabasi kuzatilgan bo'lsa, 2tasida "Milan"ning qo'li baland kelgan. 2 uchrashuvda g'olib aniqlanmagan. Gollar urish borasida ustunlik Angliya jamoasi tomonida - 7:6.

"Arsenal"ning eng yirik g'alabasi 3:0ga teng. "Milan" esa "Arsenal"ni 4:0 hisobida mag'lub etishni uddalagan.

Fakt: o'zaro o'yinlarning barchasi mag'lub bo'lgan tomon gol urishni uddalay olmagan.

QIZIQARLI FAKTLAR

- "Milan" Angliya jamoalariga qarshi safar uchrashuvlarida omadsiz o'ynagan: g'alaba yo'q, 6 durang, 9 mag'lubiyat.

- "Arsenal" Evropa ligasida qatnashayotgan yagona APL jamoasidir.

- "Arsenal" Evropa ligasidagi so'nggi 7 uchrashuvning 5tasida gol o'tkazmagan.

Prevyu. "Arsenal" - "Milan"