• PSJ futbolchilari Zlatan Ibragimovich va Marko Veratti diskvalifikaciyadan so'ng safga qaytishdi.

• Luis Enrike: "Ibragimovich va Verattining qaytishi hech narsani o'zgartirmaydi"

• O'tgan haftada "Barselona" Parijda 3:1 hisobida g'alaba qozongan edi

• Loran Blan: "PSJ endigina grandga aylanyapti, "Barselona" esa anchadan beri bu nomga ega"

• Chempionlar ligasi yarim finali uchun qura juma kuni Nonda bo'lib o'tadi

Taxminiy tarkiblar

"Barselona": ter Shtegen; Alves, Pike, Maskerano, Alba; Rakitich, Buskets, Inesta; Messi, Suares, Neymar.

• O'ynay olmaydi: Vermalen (jarohat)

PSJ: Sirigu; van der Vil, David Luis, Markinos, Maksvell; Verratti, Kabay, Matyuidi; Kavani, Ibragimovich, Pastore.

• O'ynay olmaydi: Tyago Silva (jarohat), Motta (jarohat), Ore (diskvalifikaciya)

"Barselona" bosh murabbiy Luis Enrike ishtirokidagi matbuot anjumani:

Ibragimovich safga qaytdi, ammo bu hech narsani o'zgartirmaydi, chunki PSJ doimo bir xil o'yin ko'rsatadi. Ibra va Veratti raqibning eng muhim o'yinchilari, demak jamoaning umumiy saviyasi yanada ortadi.

Men faqat g'alaba haqida o'ylayapman. Bizga durang ham kifoya qilishini bilaman. Ertaga Parijdagi kabi bor kuchimizni ishga solishimiz shart. Durangga rozi emasman.

Parijliklar bizni qanchalik yaxshi bilsa, biz ham ular haqida etarlicha malumotga egamiz. Ularga qarshi guruh bosqichida o'ynaganimizdanda yaxshiroq harakat qilishimiz kerak.

Ibragimovich har qanday vaziyatda davrozaga zarba bera oladi. U jahonning eng yaxshi hujumchilaridan biri. Biz taktik rejani o'zgartirishimiz mumkin. Biz raqib futbolchisiga qarab taktikani o'zgartirmaymiz, maqsadimiz raqibga iloji boricha ko'proq muammo tug'dirish.

PSJ bosh murabbiy Loran Blan ishtirokidagi matbuot anjumani:

Vazifamiz oson emasligini barchamiz tushunib turibmiz. Muammo shundaki, biz uchta gol urishimiz kerak, ammo bizda etarlicha imkoniyat bo'ladi deb o'ylayman. Jamoamizda keyingi bosqichga chiqish uchun kichik bo'lsada imkoniyat bor.

Yo'qotadigan hech narsamiz yo'q va bunda o'yinlar Zlatanga yoqadi. U o'ynamayotgan bo'lsada, har kuni ter to'kib mehnat qiladi. Chempionlar ligasi biz yutishni istagan yagona turnir emas.

"Barselona" Evropaning grand jamoalaridan biri. PSJ va "Barsa" o'rtasida farq bor. PSJ endigina grandga aylanyapti, kataloniyaliklar esa anchadan beri bu nomga ega. Bu erga ekskursiya uchun kelmadik. "Barselona"ga qarshi o'zimizning eng yaxshi o'yinimizni ko'rsatmoqchimiz.

"Revansh" so'zi menga yoqmaydi. Bu futbol uchrashuvi. "Barselona" har bir uchrashuvda to'pga egalik qilish bo'yicha ustun bo'lgan va bu narsa ertaga ham sodir bo'lsa hayron bo'lmayman. Bizda imkoniyatlar bo'lishiga ishonman, ammo "Barselona" sayyoramizning eng yaxshi jamoalaridan biri.

Bu jamoalarning o'z chempionatidagi so'nggi uchrashuvlari

"Barselona" - "Valensiya" 2:0 (Suares 1, Messi 90+4)

"Nicca" - "PSJ" 1:3 (Bodme 45+1; Pastore 39, 63, Kavani 69 pen)

Prevyu. "Barselona" - PSJ