«Бунёдкор» (Тошкент) – «Қизилқум» (Навоий)
10 июнь 2016. Тошкент. "Бунёдкор" стадиони. 19:00
Ҳакамлар: Т. Тўхтасинов (Андижон), А. Маражабов (Андижон), З. Абдураҳмонов (Андижон), А. Рубаков (Тошкент)
Назоратчи: С. Эрматов (Тошкент).
УзПФЛ вакили: А. Иноятов.

“Бунёдкор” ва “Қизилқум” олий лигада 18 бора тўқнаш келишган. Ушбу ўйинлардан 15тасида пойтахтликлар ғолиб бўлишган. 2 ўйин дуранг ҳисобида якунланган, “Қизилқум” олий лигада ҳозирга қадар “қалдирғочлар”ни 1 марта мағлуб эта олган.

“Бунёдкор” шу кунгача ўзаро ўйинларда “Қизилқум” дарвозасига 44та гол киритган, навоийликлар эса “қалдирғочлар” дарвозасини 10 бор ишғол қилишган. “Олтин изловчилар” ўзаро ўйинларда 5 очко ишлаб олган бўлишса, “Бунёдкор” 47 очкони қўлга кирита олган. “Бунёдкор”нинг олий лигада “Қизилқум” устидан эришган энг йирик ғалабаси 5:1 ни ташкил қилади. “Қизилқум”нинг ягона ва энг йирик ғалабаси - 1:0.

Ўтган мавсум дастлабки даврада Навоийда ўтган баҳсда Воҳид Шодиевнинг 66 ва 68-дақиқада урган голлари “Бунёдкор”га ғалаба келтирган – 0:2. Қизиғи ўша ўйинда Шодиев қизил карточка ҳам олган эди. Тошкентда эса Элдор Шомуродов дублга эришганди. Навоий клуби сафида Наврўз Алимов супер гол муаллифига айланганди – 2:1.

Тошкентда ўтган сўнгги беш учрашув:
07.08.2015 «Бунёдкор» - «Қизилқум» 2:1
15.03.2014 «Бунёдкор» - «Қизилқум» 2:1
29.10.2013 «Бунёдкор» - «Қизилқум» 4:0
17.11.2012 «Бунёдкор» - «Қизилқум» 3:0
09.09.2011 «Бунёдкор» - «Қизилқум» 3:1

Ўзаро ўйинлар ҳақида факт: “Бунёдкор” ўз уйида бўлиб ўтган 9та ўйиннинг 8тасида ғалаба қозонган. 2010 йил “Қизилқум” сафарда “қалдирғочлар” билан сафарда дуранг ўйнаган. Охирги беш учрашувда “Бунёдкор” ўз майдонида бу рақибни фақат мағлуб этган.

Превью. "Бунёдкор" - "Қизилқум"