«БУХОРО» – «ДИНАМО»
14 июнь. 19:00. Бухоро. "Бухоро" стадиони.
Ҳакамлар: Р.Бобомуродов, Р.Самандаров, О.Жумаев, О.Тўйчибоев
Назоратчи: А.Хотамов.

“Бухоро” ҳамда “Динамо” клублари олий лигада шу кунгача 38 бор куч синашишган. “Бухоро” 20та ўйинда ғалаба қозонган. 14та учрашувда “Динамо”нинг қўли баланд келган. 4та ўйинда дуранг қайд этилган. Тўплар нисбатида устунлик “Бухоро” томонида: 55:49. “Бухоро” ўзаро ўйинларда 64 очкога эга бўлган, “Динамо” эса 46 очкони қўлга киритган. “Динамо”нинг “Бухоро” устидан қозонган энг йирик ғалабаси 4:1га тенг бўлса, “Бухоро”нинг самарқандликлар устидан эришган энг йирик ғалабаси – 6:0.

Ўтган йил ҳар иккала баҳсда ҳам “Динамо” ғалаба қозонган. Самарқандда Александр Клецковнинг пенальтидан урган голи мезбонларга уч очко келтирган – 1:0. Бухорода эса Илдар Маматказин ва Фаррух Шотурсунов ўзини кўрсатганди – 0:2.

Бухорода бўлиб ўтган сўнгги беш учрашув:
21.09.2013 «Бухоро» - «Динамо» 0:2
17.08.2012 «Бухоро» - «Динамо» 2:0
01.11.2011 «Бухоро» - «Динамо» 2:1
18.04.2009 «Бухоро» - «Динамо» 2:0
08.08.2008 «Бухоро» - «Динамо» 1:0

Ўзаро ўйинлар ҳақида факт: Бухорода бўлиб ўтган 19та ўйиннинг 14тасида “Бухоро” ғалаба қозонган. 1та баҳсда томонлар дуранг ўйнашган. 4та ўйинда “Динамо” сафарда бўлишига қарамай уч очкога эга бўлган.

Превью. "Бухоро" - "Динамо"