«Бухоро» (Бухоро) – «Пахтакор» (Тошкент)
16 август 2015. Бухоро. "Бухоро" стадиони. 18:30
Ҳакамлар: О. Толибжонов (Тошкент), В. Лушин (Гулистон), Н. Рўзимов (Тошкент), И. Ибрагимов (Нукус)
Назоратчи: И. Нехочин (Наманган).
ЎзПФЛ вакили: А. Иноятов.

“Бухоро” ҳамда “Пахтакор” олий лигада 45 бора тўқнаш келишган. Шулардан 32тасида “Пахтакор” ғолиб бўлган, 7та ўйинда ғолиб аниқланмаган. “Бухоро” ҳозирга қадар “Пахтакор”ни 6 марта мағлуб этган. Тўплар нисбати “Пахтакор” фойдасига 100:32 ни ташкил қилмоқда. Ўзаро ўйинларда “шерлар” 103 очкони, “Бухоро” эса 25 очкони қўлга киритган.

“Пахтакор”нинг “Бухоро” устидан қозонган йирик ғалабаси – 8:0га тенг. “Бухоро”нинг ушбу рақиб устидан қозонган энг йирик ғалабаси эса 2:0 бўлиб турибди.

3-турда Тошкентда кечган учрашув “Пахтакор” ҳужумчиси Игорь Сергеевнинг бенефисига айланиб кетганди. Ўшанда терма жамоамиз ҳужумчиси уч бор бухороликлар дарвозасини ишғол қилганди. Бунга Дилявер Абибуллаев чиройли гол билан жавоб қайтарганди холос – 3:1.

Бухорода бўлиб ўтган сўнгги беш учрашув:
15.05.2014 «Бухоро» - «Пахтакор» 0:0
04.07.2013 «Бухоро» - «Пахтакор» 1:0
15.03.2012 «Бухоро» - «Пахтакор» 0:1
24.09.2011 «Бухоро» - «Пахтакор» 0:0
09.11.2009 «Бухоро» - «Пахтакор» 1:1

Ўзаро ўйинлар ҳақида факт: “Бухоро” ўз майдонида “Пахтакор”ни беш марта мағлуб этган. Олти бор Бухорода ғолиб аниқланмаган. “Шерлар” бу жамоа майдонидан 11 бор ғалаба билан қайтишган. Охирги икки йилда “Пахтакор” Бухорода гол ура олмаган.

Превью. "Бухоро" - "Пахтакор"