«Динамо» (Самарқанд) – «Металлург» (Бекобод)
2 май. Самарқанд. “Динамо” стадиони. 17:00
Ҳакамлар: Д. Пислегин (Тошкент), Б. Қодиров (Бухоро), А. Қўлдошев (Бухоро), Э. Турсунов (Бухоро)
Назоратчи: Б. Галеев (Урганч).

“Динамо” ҳамда “Металлург” олий лигада 32 бора тўқнаш келишган. Шу ўйинлардан 15тасида самарқандликлар ғолиб бўлишган, 9та ўйинда “Металлург” ғалаба қозонган. Ўзаро ўйинларда 8 марта дуранг натижаси қайд этилган. Тўплар нисбати “Динамо” фойдасига 48:34ни ташкил қилмоқда. Мана шу ўйинларда “Динамо” 53 очкони, “Металлург” эса 35 очкони қўлга киритган.

“Металлург”нинг “Динамо” устидан қозонган йирик ғалабаси – 3:0. “Динамо”нинг ўзаро ўйинларда бекободликлар устидан қозонган энг йирик ғалабаси – 5:0.

2014 йилда Самарқандда мезбонлар зафар қучишган. Санъат Шихов ва Ғулом Ўруновнинг голлари “Динамо”га ғалаба келтирган – 2:0. Бекободда эса “Металлург” йирик ҳалабага эришган. Дилмурод Каримов ва Суннатилла Мамадалиев (иккита) тўп киритишган – 3:0.

Самарқандда ўтган сўнгги беш учрашув:
23.03.2014 «Динамо» - «Металлург» 2:0
29.10.2013 «Динамо» - «Металлург» 1:0
27.08.2012 «Динамо» - «Металлург» 3:2
01.10.2011 «Динамо» - «Металлург» 3:1
03.04.2010 «Динамо» - «Металлург» 0:0

Ўзаро ўйинлар ҳақида факт: Самарқанддаги ўйинларда “Динамо” 13 марта уч очкога эга бўлган. 2та учаршувда дуранг қайд этилган. “Металлург” бу рақиб майдонидан фақат бир марта (2002 йил) ғалаба билан қайтган. “Динамо” ўз уйидаги охирги 12та ўйинда Бекобод клубига мағлуб бўлмаган.

Превью. "Динамо" - "Металлург"