A Seriya 16 tur o'yinlari bo'yicha bugun “Atalanta” va “Lacio” o'rtasidagi bahs bo'lib o'tadi. Ikki jamoa ham birinchilikka davogar emas, ular bu pog'onadan ancha pastda. Lekin shunga qaramay, ko'ramiz tunda kimning qo'li baland kelar ekan.

O'yindagi holat

“Atalanta” har turda Evropa kubogiga yaqinlashmoqda. So'nggi turda jamoa “Udineze” ustidan 3:1 hisob bilan g'alaba qozondi. Bergamoliklar oxirgi 5ta uchrashuvda ikki bora mag'lubiyatga uchrashdi (uyda (1:2) “Napoli” va mehmonda (2:3) “Empoli”). Shuningdek, jamoaning bu mavsumdagi eng ajoyib g'alabasi “Inter”ni 4:1 hisob bilan mag'lub etgani bo'ldi. Hozirda “Atalanta” 7 o'rinni band etib turibdi.

Rimning “burgutlari” kichkinagina inqirozni boshdan o'tkazishmoqda. Sababi jamoa chempionat doirasidagi so'nggi 4ta o'yinda mag'lub bo'ldi. Oxirgi turda so'nggi daqiqalarda “Lacio” raqibi “Sampdoriya”ni enga olmadi. Bunga qadar klub “Kevo” (1:1), “Milan” (1:1) va “Sassuolo” (1:1) jamoalari bilan durrang natijani qayd etgandi. Ularga Chempionlar Ligasiga yo'llanmani qo'lga kiritishlari uchun bor yo'g'i 1 ochko etishmadi va jamoa 5-o'rinda qolib ketdi.

Trend

- “Atalanta” A Seriya so'nggi 7ta o'yinining barchasida gol urgan. Jamoada o'rta hisobda har o'yin uchun 2,9ta gol bor.
- “Lacio” turnirning 6ta bahsida biror martta ham g'alaba qozonolmadi (4ta durrang va 2ta mag'lubiyat).
- “Atalanta” 8ta o'yinda 6 bor g'alaba qozondi. Ular so'nggi o'zaro 7 uchrashuvning 6tasida jamoalar bir-biriga gol urgan.
- A Seriyaning so'nggi o'zaro 8ta bahsida “Lacio” 7 bor engilmagan (4ta g'alaba va 3ta durrang).

Taxminiiy tarkiblar

Malumotlarga qaraganda, Gasperini 3-4-1-2 sxemasidan, Indzagi 3-5-1-1 esa sxemasidan foydalanishi mumkin.

"Atalanta" - "Lacio"

Bugun tunda “Atalanta” Bergamoda “Lacio”ni qabul qiladi va markaziy o'yinlardan biri bo'lib o'tadi. Gasperini shogirdlari deyarli hamma raqibini taqdirini biroz chigallashtirib qo'ydi, desak mubolag'a bo'lmaydi. “Inter”, “Roma”, “Milan” Bergamoda ochko yo'qotgandi, “Napoli” 2:1 hisob bilan raqibini bazo'r enggan edi. So'nggi turlarda “Atalanta” bir necha bor g'alaba qozonishga muvaffaq bo'ldi. Ular oxirgi 5ta o'yinda 12ta gol urdi. Bu borada ular “Napoli”dan (13ta gol) keyin ikkinchi o'rinni egallab turibdi.

Mavsumni “burgutlar” beqaror ravishda o'tkazishmoqda. Evropa Ligasidagi ularning o'yinlariga nazar tashlasak, klub 6ta uchrashuvdan beri g'alaba nashidasini sura olgani yo'q. “Lacio” hujumda ham, mudofaada ham oqsoqlanib qoldi. Simone Indzagini esa istefoga chiqarish kerakligidan hech kim so'z ochay demaydi. Klub prezidenti esa italiyalikka ishonishi va shartnomani yana bir necha yilga uzaytirishga tayyorligini aytdi.

“Burgutlar”ga bir nechta yomon natijadagi o'yinlardan so'ng “Atalanta” ham jiddiy raqib hisoblanadi. Rimliklar juda qiyin o'yin bo'lishini kutishmoqda. Bergamodan ochko olib qaytish mushkul. So'nggi 5ta tashrifdagi uchrashuvlarda “Lacio” atigi bir marotaba g'alaba qozongan olgandi.

Nozima Zaripova tarjimasi

PREVYU. "Lacio" bugun g'alaba qozona oladimi?