Учрашув расмийлари

Қаршида бўлиб ўтадиган “Машъал” – “Сурхон” учрашувини Рустам Лутфуллин бошқариб боради. Унга қанотларда Ҳусниддин Шодмонов ва Бахтиёрхўжа Шавкатов ёрдам беришади. Учрашувда захира ҳаками сифатида Достон Раҳмонов ишлайди. Ҳакамлар ишини Рашид Айтеков назорат қилади. Учрашув комиссари этиб Александр Давиденко тайинланди.

Ўзаро ўйинлар

“Машъал” ва “Сурхон” шу кунгача чемпионат баҳсларида 12 марта тўқнаш келган. Уларнинг 5тасида "Машъал", 3тасида "Сурхон" ютуққа эришган. 4 ўйин дуранг билан якунланган. "Газчилар" рақиб дарвозасини 14 бор ишғол қилган бўлсалар, термизликлар 13та гол уришган. Ўзаро ўйнларда “Машъал” 19, “Сурхон” 13 очкони ўз ҳисобларига ёзиб қўйишган.

“Машъал”нинг ўзаро ўйинларда қозонган энг йирик ғалабаси – 2:0 га тенг. “Сурхон”да бу кўрсаткич 4:2 бўлиб турибди.

"Машъал" бу рақибга ўз майдонида фақат бир марта мағлуб бўлган - 2020 йил. Қолган 5та учрашувда Муборак клуби ўз майдонида ғалабага эришган.

Охирги учта ўйинда "Сурхон" бу жамоага умуман ютқазмаган - 2та ғалаба, 1та дуранг. Сўнгги бор "Машъал" 2004 йилда бу жамоани мағлуб этганди.

Эслатиб ўтамиз, мазкур ўйин прожектор билан боғлиқ муаммо сабабли Муборакда ўтказилмайди. “Машъал” футбол клуби мазкур турни номинал мезбон сифатида Қаршидаги “Марказий” стадионда ўтказади. Айни пайтдаги пандемик вазият туфайли учрашувга мухлислар киритилмайди.

Превью. "Машъал" - "Сурхон"