Uchrashuv rasmiylari

Qarshida bo'lib o'tadigan “Mashal” – “Surxon” uchrashuvini Rustam Lutfullin boshqarib boradi. Unga qanotlarda Husniddin Shodmonov va Baxtiyorxo'ja Shavkatov yordam berishadi. Uchrashuvda zaxira hakami sifatida Doston Rahmonov ishlaydi. Hakamlar ishini Rashid Aytekov nazorat qiladi. Uchrashuv komissari etib Aleksandr Davidenko tayinlandi.

O'zaro o'yinlar

“Mashal” va “Surxon” shu kungacha chempionat bahslarida 12 marta to'qnash kelgan. Ularning 5tasida "Mashal", 3tasida "Surxon" yutuqqa erishgan. 4 o'yin durang bilan yakunlangan. "Gazchilar" raqib darvozasini 14 bor ishg'ol qilgan bo'lsalar, termizliklar 13ta gol urishgan. O'zaro o'ynlarda “Mashal” 19, “Surxon” 13 ochkoni o'z hisoblariga yozib qo'yishgan.

“Mashal”ning o'zaro o'yinlarda qozongan eng yirik g'alabasi – 2:0 ga teng. “Surxon”da bu ko'rsatkich 4:2 bo'lib turibdi.

"Mashal" bu raqibga o'z maydonida faqat bir marta mag'lub bo'lgan - 2020 yil. Qolgan 5ta uchrashuvda Muborak klubi o'z maydonida g'alabaga erishgan.

Oxirgi uchta o'yinda "Surxon" bu jamoaga umuman yutqazmagan - 2ta g'alaba, 1ta durang. So'nggi bor "Mashal" 2004 yilda bu jamoani mag'lub etgandi.

Eslatib o'tamiz, mazkur o'yin projektor bilan bog'liq muammo sababli Muborakda o'tkazilmaydi. “Mashal” futbol klubi mazkur turni nominal mezbon sifatida Qarshidagi “Markaziy” stadionda o'tkazadi. Ayni paytdagi pandemik vaziyat tufayli uchrashuvga muxlislar kiritilmaydi.

Prevyu. "Mashal" - "Surxon"