Bunda Xaqqulobodning “Norin” jamoasi Zominning “Zomin” jamoasini “Shodlik” stadionida qabul qiladi.

Jamoalar o'zaro ikkinchi bor to'qnash kelishmoqda. O'zbekiston Birinchiligi-2016 bahslarining birinchi davra 4–turda “Sug'diyona” o'yingohida o'zaro uchrashishgan edi. O'shanda Xaqqulobod jamoasi 1-0 hisobida g'alaba qozonib, mezbonlarni hafa qilgan edi.

O'tgan 32-turda mezbonlar “Xotira-79” jamoasi mehmoni bo'lib, 1-0 hisobida g'alabani taminlangan bo'lsa, "Zomin" o'z maydonida “Orol” jamoasi ustidan 4-3 hisobida zafar quchishgan edi. Natijada jamoalarda g'alabadan so'ng, ruhiy ustunlik saqlanib qolgan.

“Norin” jamoasi 32-turga kelib, musobaqa jadvalida peshqadam “Dinamo” jamoasidan keyin ikkinchi o'rinda bormoqda. “Zomin” jamoasi esa shu turga kelib 10-o'rinni band etgan.

Bu uchrashuvni turning markaziy uchrashuvi desak mubolag'a bo'lmaydi. Sababi mezbonlar keyingi yilgi Oliy ligada ishtirok etish uchun jon jahti bilan oldinga tashlanayotgan bo'lsa, mehmonlar musobaqa jadvalida kuchlilar safiga kirish uchun harakat qilishadi.

Ikkala jamoaning muxlislarini “Shodlik” stadionida uchrashuvga taklif qilib qolamiz. Uchrashuv soat 15-00da boshlanadi.

Imkoniyatlar: 40/30/30

2016 YIL
BIRINCHI DAVRA
4-tur.20aprel (chorshanba)
Zomin (Zomin) – Norin (Xaqqulobod) – 0:1. 311 tomoshabin.
Hakamlar: F. Narsafarov (Qarshi), M. Karimov (Toshkent), S. Nishanbaev (Toshkent), M. Fayzullaev.
Nazoratchi: A. Arutyunov (Toshkent).
Gollar: V. Aleksin (90+1).
Ogohlantirishlar:S. Allaev (83) – S. Safarov (71).

IKKINCHI DAVRA
33-tur. 23oktyabr (yakshanba)
“Shodlik” o'yingohi. Soat 15-00.
Norin (Xaqqulobod) - Zomin (Zomin).

Akmal Raxmatullaev tayyorladi.

Prevyu. Norin - Zomin