“Ajdarlar” 7 oktyabr shanba kuni Qarshi shahridagi “Markaziy” stadionda “Lokomotiv” jamoasi bilan kuch sinashadi. Uchrashuv soat 18:00da boshlanadi.

O'zbekiston Kubogi-2017. Yarim final javob uchrashuvi
“Nasaf” (Qarshi) – “Lokomotiv” (Toshkent)
07.10.2017. “Markaziy” stadion. 18:00
Bosh hakam: Vladislav Ceytlin (Toshkent)
Qanot hakamlari: Timur Galeev (Toshkent), Akbar Po'latov (Toshkent)
Zaxira hakami: Isxax Ibragimov (Nukus)
Nazoratchi: Aleksandr Popov (Toshkent)
Dastlabki uchrashuv – 1:3.

Esingizda bo'lsa, FIFA hakami Vladislav Ceytlin mazkur jamoalar o'rtasidagi Samarqandda bo'lib o'tgan 2016 yilgi final uchrashuvini ham boshqargan edi.

O'zbekiston kubogi yarim finalida “Nasaf” bungacha etti marta ishtirok etgan. Shularning oltitasida g'olib bo'lib, finalga yo'l olgan.

Bu yilgi yarim final jamoamiz ustozi Ro'ziqul Berdiev o'z shogirdlarini oltinchi marta yarim final uchrashuvlarida maydonga boshlab tushmoqda.

2003 yilda jamoamiz "Navbahor" bilan yarim finalda kuch sinashgan va dastlab finalga chiqqan. 2011 yili “Nasaf” yarim finalda “Bunyodkor”ni, 2012 yil “Buxoro”ni, 2013 yil “Paxtakor”ni mag'lub etib, finalga yo'l olgan edi. 2014 yili ham qarshilik futbolchilar kubok yarim finalida ishtirok etishgan ammo, ikki o'yin natijasiga ko'ra “Bunyodkor” (0:1, 1:1), finalga yo'l olgandi. 2015 yili “Lokomotiv” bilan yarim finalda tuqnash kelgan va jamoamiz (2:0, 0:1) mag'lub etib finalga yo'l olgan edi 2016 yili o'zingizga malum, “Nasaf” yarim finalda “Buxoro”ni mag'lub etib (2:0, 2:1) finalga chiqqan.

Bu yil “Nasaf” kubok yarim finalida ikkinchi marta “Lokomotiv” bilan tuqnash kelmoqda.

Xabaringiz bor, ushbu jamoalar o'rtasidagi yarim finalning dastlabki uchrashuvi 2 avgust kuni Toshkentda bo'lib o'tgan. Unda jamoamiz 3:1 hisobida mag'lubiyatga uchragan edi. Uchrashuvdagi gollarni Marat Bikmaev (2), Murod Bobojonov va Dragan Cheranlar kiritishgan. Uchrashuvdagi jamoamiz tomonidan kiritilgan yagona gol bizni finalga yo'l olishimizga ishonch bag'ishlab turibdi. Ishonamizki, yarim final javob uchrashuvida, muxlislarimiz ko'z oldida to'p tepadigan futbolchilarimiz, final yo'llanmasi uchun bor mahoratlari va kuchlarini ishga solishadi.

Qiziqarli faktlardan biri, hozirgi paytda jamoamiz sharafini himoya qilayotgan tajribali yarim himoyachimiz Jasur Hasanov 2015 yilgi yarim final uchrashuvlarida “Lokomotiv” safida maydonga tushgan.

O'zingizga malum, “Lokomotiv” jamoasi safida to'p tepayotgan Shuhrat Muhammadiev, 2015 yilgi yarim final uchrashvilarida “Nasaf” tarkibida maydonga tushgan. Hatto u Qarshida bo'lgan dastlabki uchrashuvning eng yaxshisi ham bo'lgan.

“Nasaf” – “Lokomotiv” jamoalari o'rtasidagi har qanday bahs qiziqarli va murosasiz kurashlarga boy tarzda o'tadi. Shu bois bu ikkala jamoa o'rtasidagi uchrashuvlarni tomosha qilish futbol ishqibozlariga ham katta zavq beradi.

Shunday ekan 7 oktyabr shanba kuni muxlislarni “Markaziy” stadionda kutib qolamiz.

Prevyu: O'zbekiston Kubogi-2017. “Nasaf” - “Lokomotiv”