Paxtakor (Toshkent) – Andijon (Andijon)
7 mart 2016. Toshkent. "Paxtakor" stadioni. 17:30
Hakamlar: M. Muhamedov (Toshkent vil.), D. Saylalov (Toshkent), A. Sidorov (Toshkent), R. Kopadze (Farg'ona)
Nazoratchi: D. Roman (Toshkent).

“Paxtakor” va “Andijon” oliy ligada jami 44 bora to'qnash kelishgan. Natijalar “Paxtakor”ning ustunligini ko'rsatmoqda. Toshkentliklar 33ta o'yinda g'olib bo'lishgan. 8ta o'yinda durang qayd etilgan. “Andijon” hisobida 3ta g'alaba bor. To'plar nisbatida ham “Paxtakor” oldinda - 110:31. O'zaro o'yinlarda “sherlar” 104 ochkoni, “burgutlar” esa 17 ochkoni qo'lga kiritgan.

“Andijon”ning o'zaro o'yinlarda qozongan eng yirik g'alabasi – 2:1ga teng. “Paxtakor”ning eng yirik g'alabasi 6:0.

Birinchi davrada vodiyda o'tgan bahs taqdirini Stanislav Andreev tomonidan urilgan gol hal qilgan va “sherlar” safardan g'alaba bilan qaytishgan – 1:0. Toshkentda esa “Paxtakor” mehmonlar darvozasiga javobsiz 6ta gol urgandi. Jaloliddin Masharipov, Javohir Sohibov, Egor Krimec, Igor Sergeev (2ta) va Anvar Soliev o'z hisoblariga gol yozib qo'yishgandi – 6:0.

Toshkentda bo'lib o'tgan so'nggi besh uchrashuv:
21.11.2015 Paxtakor - Andijon 6:0
03.08.2014 Paxtakor - Andijon 2:0
06.05.2012 Paxtakor - Andijon 1:0
30.07.2011 Paxtakor - Andijon 5:1
08.04.2010 Paxtakor - Andijon 0:0

O'zaro o'yinlar haqida fakt: Toshkentda bu jamoalar o'rtasida bo'lib o'tgan 22ta bahsning 19tasida “sherlar” g'alaba qozonishgan. Uchta bahsda g'olib aniqlanmagan. “Andijon” o'z tarixida hech qachon Toshkentda “Paxtakor”ni mag'lub eta olmagan. Oxirgi 4 yilda “Paxtakor” 4 marta g'olib bo'lgan.

Prevyu. "Paxtakor" - "Andijon"