PAXTAKOR – BUNYODKOR
5 iyul. Toshkent. "Paxtakor" stadioni. 19:30
Bosh hakam: Olim Tolibjonov (Toshkent)
Qanot hakamlari: Xusniddin Shodmonov (Buxoro), Andrey Capenko (Yangiyo'l)
Zaxira hakami: Viktor Serazetdinov (Toshkent)
Uchrashuv nazoratchisi: Alisher Abdullaev (Toshkent)
Uchrashuv komissari: Vladimir Shtern (Toshkent)

“Paxtakor” va “Bunyodkor” oliy ligada jami 14 bora to'qnash kelishgan. Natijalar esa “Bunyodkor”ning ustunligini ko'rsatmoqda. Shu kunga qadar “Bunyodkor” 5ta o'yinda g'alaba qozongan. “Paxtakor” bugunga qadar oliy ligada “Bunyodkor”ni faqat bir marta mag'lub eta olan. 8ta uchrashuv durang hisobida tugagan. “Bunyodkor” shu kungacha 15ta gol kiritgan, “Paxtakor” esa “qaldirg'ochlar” darvozasiga bugunga qadar 9 bor to'p kirita olgan. “Bunyodkor” o'zaro o'yinlarda 23 ochko ishlab olgan bo'lsa, “sherlar”da ushbu ko'rsatkich 11 ga teng.

“Bunyodkor”ning o'zaro o'yinlarda “Paxtakor" ustidan qozongan eng yirik g'alabasi - 2:0 ga teng. “Paxtakor”ning eng yirik va shu bilan birga yagona g'alabasi – 2:1.

O'tgan yil mehmonda o'ynagan jamoa uch ochkoga ega chiqqan. “Paxtakor” mezbonligida o'tgan bahsda Boyan Miladinovich o'z darvozasiga to'p kiritib qo'ygan, Sardor Rashidov ikkinchi bor “sherlar”ni ranjitgan – 0:2. “Jar” stadionidagi o'yinda Kaxi Maxaradze hisobni ochgan, Temurxo'ja Abduxoliqov ikkinchi marta mezbonlar darvozasiga gol urgan. 90-daqiqada Lutfulla To'raevning urgan goli hisobni qisqartirgan xolos – 1:2.

“Paxtakor” uyida o'tgan so'nggi besh uchrashuv:
30.06.2013 Paxtakor – Bunyodkor 0:2
09.08.2012 Paxtakor – Bunyodkor 1:1
07.07.2011 Paxtakor – Bunyodkor 0:0
31.10.2010 Paxtakor – Bunyodkor 0:0
14.10.2009 Paxtakor – Bunyodkor 0:0

O'zaro o'yinlar haqida fakt: Shu kungacha “Paxtakor” uyida bo'lib o'tgan 7ta o'yinda 6 marta durang natijasi qayd etilgan. O'tgan yil “Bunyodkor” safarda ilk bor “sherlar”ni taslim qildi.

Prevyu. "Paxtakor" - "Bunyodkor"