«ПАХТАКОР» – «БУНЁДКОР»
5 июль. Тошкент. "Пахтакор" стадиони. 19:30
Бош ҳакам: Олим Толибжонов (Тошкент)
Қанот ҳакамлари: Хусниддин Шодмонов (Бухоро), Андрей Цапенко (Янгийўл)
Захира ҳаками: Виктор Серазетдинов (Тошкент)
Учрашув назоратчиси: Алишер Абдуллаев (Тошкент)
Учрашув комиссари: Владимир Штерн (Тошкент)

“Пахтакор” ва “Бунёдкор” олий лигада жами 14 бора тўқнаш келишган. Натижалар эса “Бунёдкор”нинг устунлигини кўрсатмоқда. Шу кунга қадар “Бунёдкор” 5та ўйинда ғалаба қозонган. “Пахтакор” бугунга қадар олий лигада “Бунёдкор”ни фақат бир марта мағлуб эта олан. 8та учрашув дуранг ҳисобида тугаган. “Бунёдкор” шу кунгача 15та гол киритган, “Пахтакор” эса “қалдирғочлар” дарвозасига бугунга қадар 9 бор тўп кирита олган. “Бунёдкор” ўзаро ўйинларда 23 очко ишлаб олган бўлса, “шерлар”да ушбу кўрсаткич 11 га тенг.

“Бунёдкор”нинг ўзаро ўйинларда “Пахтакор" устидан қозонган энг йирик ғалабаси - 2:0 га тенг. “Пахтакор”нинг энг йирик ва шу билан бирга ягона ғалабаси – 2:1.

Ўтган йил меҳмонда ўйнаган жамоа уч очкога эга чиққан. “Пахтакор” мезбонлигида ўтган баҳсда Боян Миладинович ўз дарвозасига тўп киритиб қўйган, Сардор Рашидов иккинчи бор “шерлар”ни ранжитган – 0:2. “Жар” стадионидаги ўйинда Кахи Махарадзе ҳисобни очган, Темурхўжа Абдухолиқов иккинчи марта мезбонлар дарвозасига гол урган. 90-дақиқада Лутфулла Тўраевнинг урган голи ҳисобни қисқартирган холос – 1:2.

“Пахтакор” уйида ўтган сўнгги беш учрашув:
30.06.2013 «Пахтакор» – «Бунёдкор» 0:2
09.08.2012 «Пахтакор» – «Бунёдкор» 1:1
07.07.2011 «Пахтакор» – «Бунёдкор» 0:0
31.10.2010 «Пахтакор» – «Бунёдкор» 0:0
14.10.2009 «Пахтакор» – «Бунёдкор» 0:0

Ўзаро ўйинлар ҳақида факт: Шу кунгача “Пахтакор” уйида бўлиб ўтган 7та ўйинда 6 марта дуранг натижаси қайд этилган. Ўтган йил “Бунёдкор” сафарда илк бор “шерлар”ни таслим қилди.

Превью. "Пахтакор" - "Бунёдкор"