«Пахтакор» (Тошкент) – «Локомотив» (Тошкент)
12 сентябрь 2015. Тошкент. "Пахтакор" стадиони. 17:30
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), А. Шукуруллаев (Тошкент)
Назоратчи: А. Хотамов (Тошкент).

“Пахтакор” ҳамда “Локомотив” олий лигада 21 бора тўқнаш келишган. Шулардан 14тасида “шерлар” ғолиб бўлишган, 5та ўйинда ғолиб аниқланмаган. “Локомотив” ҳозирга қадар “Пахтакор”ни икки марта мағлуб этган. Тўплар нисбати “Пахтакор” фойдасига 52:18 ни ташкил қилмоқда. Ўзаро ўинларда “Пахтакор” 47, “Локомотив” эса 11 очкони қўлга киритган.

“Пахтакор”нинг “Локомотив” устидан қозонган йирик ғалабаси – 7:1га тенг. “Темирйўлчилар”нинг бундай натижаси – 2:1.

Биринчи даврада “Локомотив” майдонида ўтган ўйинда ҳисобни Руслан Корян очганди. Иккинчи бўлим бошида Станислав Андреев пенальтидан гол уриб мувозанатни тиклаганди. Икром Алибоевнинг урган голи “Локо”га муҳим ғалабани келтирган эди – 2:1.

“Пахтакор” майдонида ўтган сўнгги беш учрашув:
03.05.2014 «Пахтакор» - «Локомотив» 2:2
19.04.2013 «Пахтакор» - «Локомотив» 1:2
27.09.2012 «Пахтакор» - «Локомотив» 2:1
29.05.2010 «Пахтакор» - «Локомотив» 4:2
22.03.2009 «Пахтакор» - «Локомотив» 1:1

Ўзаро ўйинлар ҳақида факт: “Пахтакор” ўз майдонида бўлиб ўтган 10 ўйиннинг 7тасида ғолиб бўлган. Икки марта дуранг қайд этилган. Фақат бир бор (2013 йил) “Локомотив” рақиб майдонидан уч очко билан қайта олган.

Превью. "Пахтакор" - "Локомотив"