Paxtakor (Toshkent) - Qizilqum (Navoiy)
21 avgust 2015. Toshkent. "Paxtakor" stadioni. 18:30
Hakamlar: V. Kovalenko (Toshkent), R. Fozilov (Namangan), M. Majidov (Namangan), N. Qosimov (Qarshi)
Nazoratchi: R. Aytekov (Toshkent).
PFL vakili: A. Xudoydotov.

“Qizilqum” va “Paxtakor” oliy ligada 31 bora to'qnash kelishgan. Natijalar “Paxtakor”ning katta ustunligini ko'rsatmoqda. “Sherlar” o'zaro o'yinlarda 26 marta g'alaba qozonishgan. 4ta bahsda durang qayd etilgan. “Qizilqum” faqat bir marta “Paxtakor”ni taslim qila olgan. To'plar nisbatida ham ustunlik “sherlar”da 85:17. “Paxtakor” o'zaro o'yinlarda 82 ochkoga ega bo'lgan, “Qizilqum” o'z hisobiga 7 ochko yozib qo'ya olgan. Toshkent klubining “Qizilqum” ustidan qozongan eng yirik g'alabasi 11:0ga teng bo'lsa, “Qizilqum”da bu ko'rsatkich 2:1ga teng.

Birinchi davrada Navoiyda kechgan uchrashuvda toshkentliklar ikkinchi bo'limdagi gollar evaziga g'olib bo'lishgandi. Stanislav Andreev va Aleksandr Merzlyakov “Qizilqum” darvozasiga gol urishgandi – 0:2.

Toshkentda o'tgan so'nggi besh uchrashuv:
29.03.2014 Paxtakor - Qizilqum 1:0
14.09.2013 Paxtakor - Qizilqum 1:0
21.05.2012 Paxtakor - Qizilqum 4:0
05.03.2011 Paxtakor - Qizilqum 2:0
13.06.2010 Paxtakor - Qizilqum 0:0

O'zaro o'yinlar haqida fakt: “Paxtakor” o'z maydonida ushbu raqibni 12 marta mag'lub etgan. 2ta bahsda esa durang qayd etilgan. “Qizilqum” safarda faqat bir marta (2001 yil) g'olib bo'lgan. “Paxtakor” o'z uyida oxirgi 5ta o'yinda umuman gol o'tkazmagan.

Prevyu. "Paxtakor" - "Qizilqum"