Qizilqum (Navoiy) – Mashal (Muborak)
5 mart 2016. Navoiy. "Yoshlar” sport majmuasi". 17:00
Hakamlar: R. Ermatov (Toshkent), A. Rasulov (Toshkent), J. Saidov (Toshkent), I. Garmashov (Toshkent)
Nazoratchi: A. Arutyunov (Toshkent).

Bu ikki klub oliy ligada 26 bora to'qnash kelishgan. Natijalar Muborak klubining ustunligini ko'rsatmoqda. Ushbu o'yinlardan 8tasida “Mashal” g'olib bo'lgan. 12 o'yin durang hisobida yakunlangan. Yana 6 uchrashuvda “Qizilqum” g'olib bo'lgan.

“Mashal” shu kungacha o'zaro o'yinlarda “Qizilqum” darvozasiga 35ta gol kiritgan “Qizilqum” esa 31 bora “Mashal” posbonini ranjitgan. “Mashal” 36, “Qizilqum” 30 ochkoni qo'lga kiritishgan. “Mashal”ning oliy ligada “Qizilqum” ustidan erishgan eng yirik g'alabasi 6:1 ni tashkil qiladi. Zarafshonlikning eng yirik g'alabasi esa – 6:3 bo'lib turibdi.

O'tgan yil dastlabki davrada Muborakda o'tgan bahsda durang qayd etilgan. Jamoalar har qancha harakat qilishsa ham raqib darvozasiga yo'l topa olishmagandi – 0:0. Navoiyda esa beshta gol urilgandi. Mezbonlardan Baxriddin Vahobov va Fayzullo Qambarov to'p kiritishgan, “Mashal”dan esa Ixtiyor Toshpo'latov, Jamshid Hasanov va Mikita Bukatkin o'z hisoblariga gol yozib qo'yishgandi – 2:3.

“Qizilqum” maydonida o'tgan so'nggi besh uchrashuv:
16.10.2015 Qizilqum - Mashal 2:3
12.04.2014 Qizilqum - Mashal 0:0
17.08.2012 Qizilqum - Mashal 1:1
01.10.2011 Qizilqum - Mashal 0:1
14.08.2010 Qizilqum - Mashal 1:1

O'zaro o'yinlar haqida fakt : Bu jamoalarning “Qizilqum” maydonida bo'lib o'tgan 13ta uchrashuvning 9tasi durang bilan tugagan. Bitta o'yinda “Qizilqum” g'alaba qozongan, yana uch uchrashuvda “Mashal” safardan uch ochko bilan qaytgan. Navoiy klubi bu jamoa bilan o'z uyidagi oxirgi 9ta o'yinning hech birida g'alaba qozona olmagan.

Prevyu. Qizilqum – Mashal