«Қўқон-1912» (Қўқон) – «Сўғдиёна» (Жиззах)
5 ноябрь 2015. Қўқон. "Марказий" стадиони. 14:00
Ҳакамлар: В. Коваленко (Тошкент), М. Саидқосимов (Тошкент), А. Снетков (Тошкент вил.), Б. Юльчараев (Гулистон)
Назоратчи: Г. Имомов (Тошкент).

Бу икки клуб ўзаро 17 бор куч синашишган. Натижалар “Сўғдиёна”нинг устунлигини кўрсатмоқда. Жиззах клуби 8та ўйинда ғолиблик нашидасини сурган. 3та ўйин дуранг билан якунланган. “Қўқон-1912” бу рақибни олти бор мағлуб этган. Тўп киритиш борасида ҳам устунлик “Сўғдиёна” томонида – 27:20. Ўзаро ўйнларда “Сўғдиёна” 27 очкони қўлга киритган. “Қўқон-1912” эса ҳозиргача 21 очко ишлаб олган.

“Сўғдиёна”нинг “Қўқон-1912” устидан қозонган энг йирик ғалабаси – 4:0. Қўқонликларнинг энг йирик ғалабаси эса – 4:2.

Биринчи даврада “Сўғдиёна” ўз уйида иродали ғалабага эришган. Учрашувдаги ҳисобни Нодир Қўзибоев очганди. Сухроб Қобилов пенальтидан ҳисобни тенглаштирганди. Қизиғи иккинчи даврани Қобилов “Қўқон-1912” сафида бошлади. Акмал Абдураҳмоновнинг урган голи Жиззах клубига 3 очко келтирганди – 2:1.

Қўқонда ўтган сўнгги беш учрашув:
11.05.2002 «Қўқон-1912» - «Сўғдиёна» 1:0
12.09.2000 «Қўқон-1912» - «Сўғдиёна» 3:1
30.04.1999 «Қўқон-1912» - «Сўғдиёна» 2:1
21.06.1998 «Қўқон-1912» - «Сўғдиёна» 4:2
31.05.1995 «Қўқон-1912» - «Сўғдиёна» 1:0

Ўзаро ўйинлар ҳақида факт: “Сўғдиёна” сафарда “Қўқон-1912”ни умуман мағлуб эта олмаган. Водий клуби ўз уйида 6 марта ғалабага эришган. Иккита учрашувда дуранг қайд этилган. Қўқонда ўтган охирги 5та ўйиннинг барчасида мезбонлар 3 очкога эга бўлишган.

Превью. "Қўқон-1912" - "Сўғдиёна"