Sho'rtan (G'uzor) – Lokomotiv (Toshkent)
24 aprel 2016. G'uzor. "G'uzor" stadioni. 17:00
Hakamlar: I. Tantashev (Buxoro), R. Serazetdinov (Toshkent), T. Gaynulin (Toshkent), SH. Rajabov (Buxoro)
Nazoratchi: X. Muxtorov (Samarqand).
O'zPFL vakili: G. Rtveladze.

“Sho'rtan” va “Lokomotiv” oliy ligada o'zaro 18 marta to'qnash kelishgan. Natijalar Toshkent klubining ustunligini ko'rsatmoqda. “Loko” 18ta o'yindan 8tasida g'alaba qozongan. 3ta uchrashuvda durang natijasi qayd etilgan. G'uzorliklar hisobida 7ta g'alaba mavjud. To'plar nisbati ham “Lokomotiv” foydasiga 34-18. O'zaro o'inlarda “Lokomotiv” 27 ochoni qo'lga kiritgan bo'lsa, “Sho'rtan” 24 ochkoga ega bo'lgan.

“Lokomotiv”ning “Sho'rtan” ustidan qozongan eng yirik g'alabasi 4:0ga teng. “Sho'rtan”ning eng yirik g'alabasi esa – 2:0.

O'tgan mavsumda “Lokomotiv” ikkala bahsda ham yirik hisobda g'olib chiqqan. G'uzorda Temurxo'ja Abduxoliqov, Jasur Hasanov, Sanjar Shoahmedov va Marat Bikmaev o'sha bahsda o'z nomlarini tabloga yozdirib qo'yishgandi – 0:4. Toshkentda esa kichik Jasur Hasanov, Dilshod Rahmatullaev, Timur Kapadze va Ikrom Aliboevning gollariga “Sho'rtan” safida G'ulom Haydar G'ulomov javob bergandi – 4:1.

G'uzorda o'tgan so'nggi besh uchrashuv:
20.06.2015 Sho'rtan - Lokomotiv 0:4
29.10.2013 Sho'rtan - Lokomotiv 0:4
17.03.2012 Sho'rtan - Lokomotiv 2:1
14.06.2010 Sho'rtan - Lokomotiv 3:2
23.08.2009 Sho'rtan - Lokomotiv 3:2

O'zaro o'yinlar haqida fakt: “Lokomotiv” G'uzorda uch bor g'alabaga erishgan. Bir marta durang qayd etilgan, qolgan 5ta o'yinda “Sho'rtan” uch ochkoni G'uzorda olib qolgan. Oxirgi ikki o'yinda “Loko” G'uzorda bir xil 4:0 hisoblarida g'olib bo'lgan.

Prevyu. "Sho'rtan" - "Lokomotiv"