Sho'rtan (G'uzor) – Metallurg (Bekobod)
30 iyun 2015. G'uzor. "G'uzor" stadioni. 19:00
Hakamlar: D. Pislegin (Toshkent), N. Ro'zimov (Toshkent), S. Shoyusupov (Toshkent), E. Tursunov (Buxoro)
Nazoratchi: S. Ermatov (Toshkent).

“Sho'rtan” hamda “Metallurg”oliy ligada jami 18 bora to'qnash kelishgan. Shulardan 13 tasida bekobodliklar g'olib bo'lishgan, 2 o'yinda “Sho'rtan” g'alabani tantana qilgan. O'zaro o'yinlarda 3 marta durang natijasi qayd etilgan. To'plar nisbati “Metallurg” foydasiga 37:18 ni tashkil qilmoqda. O'zaro o'inlarda “Metallurg” 42 ochkoni, “Sho'rtan” esa 9 ochkoni qo'lga kiritgan.

“Metallurg”ning “Sho'rtan” ustidan qozongan yirik g'alabasi – 4:0. “Sho'rtan”ning o'zaro o'yinlarda bekobodliklar ustidan qozongan eng yirik g'alabasi 2:1.

2013 yil dastlabki davrada Bekoboddagi o'yin taqdirini bitta gol hal qilgan. Aleksandr Kovalevning 84-daqiqada “Sho'rtan” darvozasiga urgan goli “Metallurg”ga mavsumdagi ilk g'alabani keltirgandi – 1:0. G'uzorda esa tomoshabinlar 6ta gol guvohiga aylanishgandi. Mezbonlar safida Pavlen Solomin (2ta) va Humoyun Murtazoev, bekobodliklar tarkibida Shuxrat Yo'ldoshev, Hikmat Hoshimov va Mirto'ra Akbarov gol urishgandi.

G'uzorda o'tgan so'nggi besh uchrashuv:
08.11.2013 Sho'rtan - Metallurg 3:3
14.04.2012 Sho'rtan - Metallurg 1:2
02.04.2011 Sho'rtan - Metallurg 2:3
14.08.2010 Sho'rtan - Metallurg 2:2
30.10.2009 Sho'rtan - Metallurg 0:1

O'zaro o'yinlar haqida fakt: “Sho'rtan” o'z maydonida bu raqibni ikki marta mag'lub etgan. Ikkita bahsda g'olib aniqlanmagan. Beshta o'yinda “Metallurg” G'uzordan uch ochko bilan ortga qaytgan. “Sho'rtan” so'nggi marta o'z uyida 2007 yil g'alabaga erishgan, shundan so'ng bo'lib o'tgan 6ta o'yinda raqibni enga olmagan.

Prevyu. "Sho'rtan" - "Metallurg"