Bu chempionat ikki nom bilan atalishidan yaxshigina xabaringiz bor: Primera va La Liga.

"Primera" varianti qaerdan kelib chiqqan?

Liganing to'liq nomi – Primera Divison. U ispan tilidan tarjima qilinganida "Birinchi divizion" degan manoni anglatadi. Shunga ko'ra, ispan futboli tizimidagi qolgan ligalar ham ketma-ketlikda shunday nom bilan atalib ketaveriladi: Segunda – "Ikkinchi", Tersera – "Uchinchi" va h.k.

Primera – Ispaniya futboli birinchi divizionining tarixiy nomi. Oliy liga ushbu nom ostida 1928-1929 yilgi mavsumda mashhurlikka erishgan. O'shanda u Ispaniyada ilk rasmiy chempionat bo'lgandi.

"La Liga" varianti qaerdan kelib chiqqan?

Bu nom Ispaniya Qirollik futbol federaciyasi birinchi va ikkinchi divizionda chempionatni tashkil etish majburiyatini boshqa yuridik shaxsga o'tkazgan vaqti (1984-1985 yilgi mavsum)da paydo bo'lgan. Buning uchun yangi tashkilot tuzishgan: "Liga de Fútbol Profesional" (Professional futbol ligasi - PFL) yoki qisqacha – "La Liga". Xuddi shunga o'xshash hodisa Rossiya futbolida ham bo'lgan: RFS terma va futbolni rivojlantirish ishlari bilan shug'ullansa, RFPL esa – faqat liga bilan ishlaydi.

O'shandan buyon oliy divizionning to'liq nomi quidagicha atalidan bo'lgan – "Liga Nacional de Fútbol Profesional de Primera División". Uning birinchi qismini odatda "La Liga" ko'rinishigacha qisqartiriladi, ikkinchi qismi esa – "Primera". Bundan tashqari, uning yana bir tijoriy nomi bor: 10 yil avval Ispaniya chempionati "LaLiga BBVA" deb atalgan, hozirda esa "La Liga Santander" deyiladi. "Santander" – Ispaniyaning yirik banklaridan biri bo'lib, ular nom bo'yicha huquqlarni sotib olganlar.

Qaysi nomdan foydalangan yaxshiroq?

Rasmiy hujjatlar uchun "LaLiga Santander" (manosi – oliy liga) variantidan foydalangan maqul. "Liga Nacional de Fútbol" (manosi – tashkilot, Primera va Segunda misolida) va "Liga Nacional de Fútbol Profesional de Primera División" (oliy liga manosida) - bu nomlardan esa asosan Ispaniya chempionati rasmiy saytlarida foydalanishadi.

Rossiyada odatda "Primera" varianti ishlatiladi (Google qidiruv tizimidagi 8 millionga qarshi 19 million so'rovlar). Bunga bir qator sabablar bor:

• Birinchidan, u hali ham to'liq nomning bir qismi sanaladi, shuning uchun eskirmagan.
• Ikkinchidan, bu nomdan foydalanganda birinchi ligani ikkinchisidan ajratish biroz osonroq bo'ladi. o'zingiz solishtirib ko'ring: Primera va Segunda yoki La Liga Santander va La Liga Smartbank.
• Uchinchidan, "Primera" nomini boshqa mamlakat ligalari bilan adashtirib yuborish mumkin emas. (har holda Evropa chempionatlari ichida). Ammo "La Liga" nomi masalan, Franciyaning "Liga 1" biroz o'xshab ketadi. Ispaniyaning yirik futbol OAVi, "Marca" va "AS", ko'proq rasmiy nomdan foydalanadi – "LaLiga Santander". Shu sababli ham, ispanlarning deyarli barcha saytlarida turnir nomi La Liga deb yozilgan.

Nozima Zaripova tarjimasi

Primera yoki La Liga?! Qay biri to'g'ri?