Айни дамга келиб нафақат турнир жадвалида балки тўпурарлар пойгасида ҳам ўзига яраша интрига юзага келган. Хусусан, “Андижон”нинг 7-рақамли ҳужумчиси Шаҳбоз Жумабоев ўз активига 14та гол ёздириб қўйиб, бу борада пешқадамлик қилмоқда.

Эътиборлиси унинг ортидан “бургутлар”нинг яна бир ҳужумчиси Даврон Исоқов ҳам қувиб келмоқда. 29 ёшли ҳужумчининг ҳисобида ҳозирча 11та гол мавжуд.

Аввалги мавсумларда ҳам тўпурарлик маҳоратини намойиш этган қорақалпоғистонлик форвард Наврўз Ҳаипов 33-тур ўйинида “Шўртан” дарвозасига 2та тўп киритиб, голлари сонини 11тага етказиб олишга муваффақ бўлди. Аҳамиятлиси Ҳаипов шундан 5тасини пенальтидан киритган.

Шунингдек яна 4та футболчида 10та гол мавжуд. Табиийки улар ҳам жорий мавсум ПРО-Лига тўпурари бўлишга уриниб кўриши турган гап.

Кўрамиз, бу борада кимнинг кўпроқ омади чопар экан.

Футболчи	Жамоаси	Голлар	Пен.
Шаҳбоз Жумабоев	“Андижон”	14	(3)
Даврон Исоқов	“Андижон”	11
Наврўз Ҳаипов	“Орол”	11	(5)
Баҳодир Муртазоев	“Норин”	10
Қадамбой Нурметов	“Андижон”	10
Темур Исмоилов	“Хоразм”	10
Тимур Усмонов	“Сурхон”	10

ПРО-Лига “А” гуруҳи. Тўпурарлар пойгасида нима гап?