Учрашув тенг курашлар остида бошланди. Дастлабки дақиқаларданоқ ҳар икки жамоа аъзолари фаол ҳаракат қила бошладилар. Суперлига йўлланмаси учун астойдил ҳаракат қилаётган ушбу жамоалар ўртасидаги учрашувнинг дастлабки дақиқаларидаёқ мезбонлар футболчиси Хушнуд Авилов жароҳат олиб, майдонни тарк этди, мезбонлар биринчи бўлим 8-дақиқасидаёқ мажбурий ўзггаришни амалга оширишга мажбур бўлдилар. Жароҳат олиб майдонни тарк этган Хушнуд Авиловнинг ўрнига учрашувни Иброҳим Отахонов давом эттирадиган бўлди. Шундан сўнг учрашувда меҳмонларнинг бир оз устунлиги кўзга ташлана бошлади. "Сурхон" футболчилари дастлаб жарима зарбаси, бир оздан кейин бурчак тўпи тепиш ҳуқуқига эга бўлган бўлсаларда, ушбу вазиятлар самара келтирмади. Меҳмонлар футболчиси бурчак тўпидан тўпни "Андижон" жарима майдони ичига етказиб берган вазиятда, тажрибали футболчи Ислом Иномовда жуда қулай имконият юзага келганди, бироқ унинг зарбаси бир оз ноаниқ бўлди. Орадан бир оз вақт ўтиб, мезбонлар бурчак тўпи тепиш имкониятига эга бўлдилар, лекин яна ўша Ислом Иномов фаоллик кўрсатиб, тўпни "Сурхон" майдонидан узоқлаштиришга эришди. Орадан бир оз вақт ўтиб мезбонлар ҳужумчиси Даврон Исоқовда рақиб дарвозасига гол киритиш учун қулай вазият юзага келганди, лекин меҳмонлар дарвозабонининг тезкор ҳаракати жамоасини голдан сақлаб қолди.Беллашувларга бой тарзда биринчи бўлим шу тариқа 0:0 ҳисобида якунига етди.

Иккинчи бўлим ҳар икки жамоа аъзоларининг кескин ҳужумлари билан бошланди. Дастлаб мезбонлар футболчиси Шаҳбоз Жумабоевнинг зарбаси ҳимоячиларга тегиб қайтган бўлса, орадан бироз ўтиб меҳмонлар ҳужумчиси Абдул Азиз Юсуповнинг рақиб дарвозаси томон йўллаган зарбасига аниқлик етишмади. Учрашувнинг 61-дақиқасида бош ҳакам Акобирхўжа Шукруллаев "Сурхон"нинг тажрибали футболчиси Ислом Иномов ўз жарима майдони ичида мезбонлар футболчиси Шаҳбоз Жумбоевга нисбатан қўполлик ишлатди деб топди меҳмонлар дарвозаси томон 11 метрлик жарима зарбаси белгилади. Пенальтини Шаҳбоз Жумбоевнинг ўзи аниқ тарзда ижро этди ва учрашувда ҳисоб очилди, 1:0.
Ўтказиб юборилган гол сўнг меҳмон жамоа футбоочилари ҳисобни тенглаштириш учун астойдил ҳаракат қилган бўлсаларда, шу куни уларга рақиб дарвозасини ишғол этиш насиб этмади. Учрашув шу тариқа "Андижон" жамоасини кичик 1:0 ҳисобидаги ғалабаси билан якунланди.

Про-Лига. "А" гуруҳи.

33-тур.

"Андижон"-"Сурхон" 1:0. (0:0)

“АНДИЖОН”: 1. Никита Рибкин, 5. Хушнуд Авилов, 7. Шаҳбоз Жумабоев, 10. Даврон Исоқов,18. Суннатилла Эрматов,19. Даврон Маматов, 21. Илдар Маматказин (С), 24. Шохруҳ Бойқўзиев, 25. Фарҳод Мираҳматов, 33. Дониёр Абдуманнопов,98. Фарҳод Бекмуратов.
Заҳира: 87. Акмал Ортиқов, 6. Иброҳим Отахонов,8. Суннатилла Мамадалиев, 17. Нодирхон Камолов, 20. Жаҳонгир Омонов, 22. Сирож Ҳамроев,70. Нодир Мавлонов.

«СУРХОН»:12. Азамат Аҳмедов, 3. Сирожиддин Аллаев, 5. Нажмиддин Нормуродов, 21. Тимур Усмонов,22. Абдул Азиз Юсупов, 23. Ислом Иномов (С), 24. Иброҳим Раҳимов, 30. Даниэл Насриддинов, 77. Сардор Эминов
92. Азизбек Усмонов, 99. Бек Абдуллаев.
Заҳира:1. Руслан Матниязов, 4. Иброҳим Абдуллаев, 9. Низом Норов, 10. Баҳриддин Ваҳобов, 14. Аббос Пўлатов, 17. Алишер Мирзаев, 80. Жавоҳир Алиқўзиев.

Про-Лига. "Андижон" ўз майдонида "Сурхон"ни кичик ҳисобда мағлубиятга учратди (тўлиқ шарҳ)