Футболда ўзига яраша жозиба бағишлайдиган голлар ҳақида тўхталиб ўтсак.

4-турнинг 4та ўйинида жами 12та гол қайд этилди. Ҳар бир учрашувга ўртача 3тадан гол демакдир.

Шундан 7тасини мезбон жамоалар киритган. Қолган 5та гол меҳмонлар ҳисобига ёзилган.

Учрашувларнинг биринчи бўлимида 5та тўп киритилган бўлса, иккинчи таймда сермаҳсуллик ортди ва стадионга келган мухлислар яна 7та голга гувоҳ бўлди.
Турнинг энг тезкор голи 10-дақиқада содир бўлди. “Лабса” ҳимоячиси Хуршид Ҳасанов “Хотира-79”га қарши ўйинда тезкор гол киритиб, учрашувда ҳисобни очишга эришди. Аммо унинг жамоаси якунда мағлуб бўлди.

Аксинча турнинг энг сўнгги дақиқада киритилган голи эса 89-сонияда юзага келди. “Хотира-79”нинг иқтидорли футболчиси Бобур Мамажонов сафарда “Лабса”га қарши кечган баҳсда ўз активига иккита гол ёздириб қўйишга эришди. Эътиборлиси Мамажоновнинг дубли уйчиликларга сафарда қимматли уч очкони тақдим этди.

ПРО-Лиганинг 4-турида дублга эришган футболчилари сони 3тани ташкил этди. Бобур Мамажонов (“Хотира-79”), Акмал Холматов (“Ифтихор”), Равшан Янгиев (“Ғижувдон”). Эътиборлиси ушбу футболчиларнинг жамоалари мағлуб бўлмаган.

4-турда автогол, пенальти қайд этилмаган.

4-турда гол урган футболчилар

1. Хуршид Ҳасанов –“Лабса”.
2. Бобур Мамажонов (2та) –“Хотира-79”.
3. Акмал Холматов (2та) – “Ифтихор”.
4. Ориф Мамажонов – “Ифтихор”.
5. Фаррух Шотурсунов – “Нурафшон”.
6. Достон Тошматов – “Зомин”.
7. Абдулла Набиев - “Шердор”.
8. Фарзин Мухторов – “Шердор”.
9. Равшан Янгиев (2та) – “Ғиждувон”.

ПРО-Лига, “Б” гуруҳи 4-тур. Энг тезкор гол ва бошқалар ҳақида