Biz esa o'z odatimizga ko'ra tur laureatlarini elon qilamiz.

"Championat.asia" sayti talqiniga ko'ra 14-turning eng yaxshi darvozaboni - Mirzohid Mamatxonov ("Sho'rtan")

"Sho'rtan" jamoasi bu turda Farg'onada "Qo'qon-1912" mehmoni bo'ldi. Shu kuni mezbonlar yirik hisobda mag'lub bo'lganiga qaramay g'uzorliklar darvozasi oldida bir qancha xavfli vaziyatlar yaratdi. Ularning gol bo'lishiga "Sho'rtan" darvozaboni Mirzohid Mamatxonov yo'l qo'ymadi. Uning say-harakatlari bilan ushbu turda jamoasi darvozasidan gol o'tkazmadi.

"Championat.asia" sayti talqiniga ko'ra 14-turning eng yaxshi futbolchisi - Muhriddin Zoirov ("Sho'rtan")

Buni qarangki, 13-turda bo'lgani kabi bu safar ham turning eng yaxshi futbolchisi nomiga "Sho'rtan" azosi loyiq ko'rildi. G'uzorliklar hujumchisi Muhriddin Zoirov "Qo'qon-1912" bilan bahsda faol harakat qildi va raqib darvozasini ikki bor ishg'ol qildi. O'z-o'zidan u saytimiz talqiniga ko'ra, 14-turning eng yaxshi futbolchisi sifatida tan olindi.

"Championat.asia" sayti talqiniga ko'ra 14-turning eng yaxshi murabbiyi - Anvar Berdiev ("Sho'rtan")

Anvar Berdiev boshchiligidagi "Sho'rtan" bu mavsumning o'zida ikkinchi marotaba "Qo'qon-1912"ni taslim qilishni uddasidan chiqdi. G'uzorliklar bu safar raqibini safarda 3:0 hisobida taslim qildi. Bunda Anvar Berdievning o'rni katta va shu sababli "Sho'rtan" ustozi Pro liga 14-turning eng yaxshi murabbiyi deb tan olindi.

Pro liga. Farg'onadagi o'yin qahramonlari eng yaxshi bo'lgan 14-tur laureatlari