Тўртинчи ўриндаги "Нурафшон" сўнгги турдан олдин 3-ўринни эгаллаб, Суперлигага чиқиш учун плей-офф учрашувида қатнашиш учун имкониятни сақлаб қолди, аммо бу имконият жуда ҳам кичик.

Гап шундаки "Нурафшон" сўнгги турда учинчи ўриндаги "Олимпик" билан ўйнайди ва ғалаба қозонса очколар бўйича Тошкент клубига етиб олади. Очколар тенг келиб қолганида дастлаб ўзаро ўйинларга қаралади.

Бу клубларнинг 2021 йилги мавсумда ўтказган ўзаро ўйинлари:
"Олимпик" - "Нурафшон" 0:2
"Нурафшон" - "Олимпик" 0:1
"Олимпик" - "Нурафшон" 5:0

Охирги ўзаро ўйин сўнгги турда бўлиб ўтиши ҳақида ёздик.

Айни пайтда "Олимпик" ўзаро ўйинда 6 очкога эга ва тўплар фарқи 6:2.

Демак, "Нурафшон" охирги турда "Олимпик"ни камида 5та тўп фарқи билан мағлуб этсагина 3-ўринга чиқади.

Эслатиб ўтамиз, Про лигада охирги тур 21 ноябрь куни бўлиб ўтади.

Про лига. "Олимпик" Суперлигага чиқиш учун плей-оффда қатнашиши деярли аниқ