1936 йилнинг 18 июлида Испанияда фуқаролар уруши бўлган, бу эса "Реал"нинг уй стадиони "Чамартин"га (ҳозирда "Эски Чамартин" деб номланади) таъсир кўрсатди ва даҳшатли ҳолатга келтириб қўйди. Зарарни тиклаш учун катта миқдордаги маблағни сарфлаш керак эди.

1939 йилнинг октябрь ойида урушдан кейин стадион қайта очилди ва илк учрашувда дербида "қаймоқранглилар" "Атлетико"ни 2:1 ҳисобида мағлуб этишди.

Европадаги ҳарбий можароларга қарамасдан, мухлисларнинг ғайрати сўнмади. Қайта таъмирлаш ишларидан кейин стадионнинг мухлислар сиғими 25 мингга кўпайди, бироқ бу рақам Мадриддаги уй ўйинларига мухлисларнинг талаби кучли бўлганлиги учун камлик қиларди.

Узоқ вақт давомида янги стадион қуришни истаган Сантьяго Бернабеу 1943 йилда жамоанинг президенти бўлган.

Бернабеу катта лойиҳа асосида қурилишни бошлаган, ўшанда буни барча амбицион равишда қарши олган, стадионга 100 минг мухлис сиғиши мумкин эди. Бу стадион "лос бланкос"нинг кейинги ёрқин лаҳзалари гувоҳи бўлди.

"Янги Чамартин" Европадаги энг яхши ва замон талабларига жавоб берадиган стадион бўлди.

- "Янги Чамартин" 1947 йилнинг 14 октябрь куни очилган. Илк учрашувда "Реал" Португалиянинг "Os Belenenses" жамоаси билан куч синашган ва 3:1 ҳисобида ғалаба қозонган. Стадионнинг тарихидаги илк голни Сабино Баринага киритган.

- 1955 йилнинг 4 январь кунида клубнинг бош ассамблеяси "Янги Чамартин"ни Сантьяго Бернабеу номи билан аташга овоз берди. Бу эса Сантьяго Бернабеунинг розилигисиз бўлган.

- 1957 йилнинг 18 май кунида дунёда илк марта прожекторлар айнан ушбу стадионга ўрнатилган ва илк бора тунда учрашув бўлиб ўтган. "Қаймоқранглилар" ўшанда Бразилиянинг "Sport Club do Recife" жамоасини таслим қилган, 5:3.

- "Сантьяго Бернабеу" стадионида 1964 йилги Европа чемпионатининг финал учрашуви ўтказилган. Унда Испания термаси СССР термаси билан тўқнаш келган ва 2:1 ҳисобида ғалаба қозониб, илк марта Европа чемпионлигини қўлга киритган.

- Бу стадионда 1982 йилги ЖЧнинг 4 учрашуви бўлиб ўтган. Шу жумладан, Италия ва Шарқий Германия термалари иштирокидаги финал учрашуви ҳам. Унда италияликларнинг қўли баланд келган, 3:1.

- 1982 йилги мундиал учун стадионнинг прожектори, янги таблоси, трибуналарнинг тўртдан уч қисмини қамраб олган металл гумбаз таъмирланди.

- Стадионда ЕЧЛ/Европа кубогининг 4 финали ўтказилган: "Реал" Мадрид - "Фиорентина" (1967), "Милан" - "Аякс" (1969), "Ноттингем Форест" - "Гамбург" (1980) ва "Бавария" - "Интер" (2010).

- 1992 йилда яна стадионни қайта таъмирлаш ишлари олиб борилган: стадионнинг баландлиги 22 метрдан 45 метргача кўтарилган, ёритиш тизимлари ҳам кучайтирилган, шунингдек, майдоннинг тагида иситиш тизимлари ҳам ўрнатилган. Стадионнинг мухлислар сиғими 110 минггача кўпайтирилган. 1998 йилда клуб президентлигига Лоренцо Санса келганидан кейин, ўтириш жойлари ўриндиққа айлантирилган, оқибатда мухлислар сиғими 75328тагача камайиб кетган.

- 2000 йилда "Реал" президенти Флорентино Перес беш йил давомида (2001-2006) стадионга 127 млн доллар инвестиция киритган: шарқ томондаги олд трибунага офис заллари қурилган, матбуот вакиллари учун шароитлар яратилган, VIP-ложалар барпо этилган. Шарқий трибуналарнинг кўпайтирилиши натижасида мухлислар сиғими 85454га етган.

- 2007 йилнинг 14 ноябрь кунида УЕФА стадионнинг 60 йиллик байрами учун "Сантьяго Бернабеу"ни "элит стадион" мақомини берган.

- "Сантьягу Бернабеу"даги 4000-голни Криштиану Роналду узоқ масофадан "Леванте" дарвозасига киритган.Ўша баҳсда Мадрид 4:2 ҳисобида ғалабага эришган.

- "Сантьяго Бернабеу" жуда кўплаб концертлар бўлиб туради. "The Rolling Stones", "U2" каби гуруҳлар ва қўшиқчи Брюс Спрингстининг концерт дастури аншлагда бўлади.

Миржалол Норматов таржима қилди

Прожектор, тунги ўйин ёхуд "Реал"нинг уй стадиони ҳақида кўпчилик билмайдиган 12 факт ФОТО