- Neymar, barchamizga malumki, siz Kopa Amerika arafasida jarohatga chalindingiz. Amalda esa, tiklanishingiz uchun qulay bo'lgan shifoxonalarga borish o'rniga turnirning har bir o'yinini bevosita kuzatish uchun stadionga tashrif buyurdingiz. Nima uchun bunday qarorga kelganingizni ayta olasizmi?
- Haqiqatan ham "Kopa"dan tashqarida bo'lish men uchun juda qiyin edi. Men Braziliyaning o'zidayoq davolanish kurslarini olib bordim. Jamoadoshlarimga etib olish potencialimni ham nazoratda ushlab borishga harakat qildim. Shunday bo'lsa-da, men uchun juda og'ir damlar edi. Afsuski, millionlab vatandoshlarim kabi matchlarni tribunadan kuzatib borishga majbur bo'ldim. Lekin, jarohatim haddan tashqari uzoq muddatga cho'zilib ketadi deb o'ylamagandim. Har doim stadionga kirganimda bolaligim, dadam bilan birga kuzatgan o'yinlarim esga tushib ketardi.

- Xabaringiz bor, Braziliya terma jamoasi o'tgan Jahon chempionatidan buyon o'ynagan 22 bahsining atigi ikkitasida yutkazdi, xolos. Ayni tarkib va futbolchilarning hozirgi holatidan kelib chiqib, jamoaning imkoniyatlarini qay darajada baholagan bo'lardingiz? Qatar-2022 oldidan Braziliya termasi qolganlarga qaraganda qanchalar ustun bo'la olishi mumkin?
- Hozirgi paytda biz juda kuchlimiz va tarkibdagi futbolchilarning aksariyati yosh bo'lishiga qaramay, etarlicha tajriba to'plashga ulgurishgan. Bizda ketma-ket tarzda Jahon chempionatlarida ishtirok etgan yulduzlar bor, jumladan, men ham. Mahoratli o'yinchilarda pozitiv tajriba bilan bir qatorda uzoq yillik mashaqqatli ko'nikma ham mavjud bo'ladi. Ularning yillar mobaynida to'plagan tajribasi yosh futbolchilarga katta maktab bo'lib xizmat qiladi. Shuni ham qo'shimcha qilishim mumkinki, termamiz o'yinida bir xillilik ko'zga tashlanmaydi. Tarkib borasida deyarli kamchiliklar yo'q. Bizda har bir chiziq uchun raqobat kuchli. Shuning hisobiga ham murabbiylarda tanlash imkoniyati kengroq. Men milliy terma jamoa haqida ijobiy xulosadaman.

- Artur, Sebolinya, Risharlison, David Neres, Paketa, Vinisius, Rodrigo...Etishib chiqayotgan yoshlar haqida nima deya olasiz?
- Albatta, ularning barchasi ham o'ziga xos iqtidor egasi hisoblanadi. Qatarda bularni yangitdan kashf qilishimizga ishonaman. Bejizga, Braziliya jahon miqyosida "istedodlar fabrikasi" sifatida tilga olinmaydi.

- Kelasi Jahon chempionatida Braziliyaning munosib raqiblari sifatida qaysi jamoalarni aytgan bo'lardingiz?
- Franciya, Belgiya, Angliya va Argentina.

- Leo Messi sentyabr oyida "The best" sovrinini qo'lga kiritdi. Umuman olganda, uni tarixdagi eng yaxshi o'yinchi deb bilasizmi? Messi bilan birga bitta jamoada ham to'p tepgansiz. U bilan ishlash qiyin kechmaganmi?
- Messi bilan bitta jamoada o'ynash menga katta maktab bo'lib xizmat qildi. Undan har doim yangi bir narsa o'rgansa bo'ladi. Biz maydon tashqarisida ham o'zaro do'st edik. Shubhasiz u men ko'rganlar ichida eng zo'ri.

- Kilian Mbappe to'g'risida nima deya olasiz?
- U ham o'z uslubiga ega bo'lgan beqiyos futbolchi. U bilan bitta jamoada o'ynayotganligimdan xursandman. Mbappe bilan maydon tashqarisida ham aka-ukadekmiz.

- Sizningcha hozirgi PSJ Evropa Chempionlar ligasini yutishga qodirmi?
- Yo'q. Eng kuchlisi demagan bo'lardim, lekin men bu erda o'ziga xos atmosferani his qilyapman. O'zimga bo'lgan ishonch yuqori darajada. Albatta, bu menga mavsum davomida qo'shimcha kuch bag'ishlaydi.

Fifa.com saytidan Yusufbek tarjimasi

PSJ hozir ECHLni yutishga qodir emas, Messi eng zo'ri, Mbappe bilan aka-ukamiz - Neymar bilan intervyu