Унда Тошкент жамоаларига омад кулиб боқди. Айниқса, “Локомотив-БФК”нинг ғалабаси унинг турнир жадвалида биринчи ўринга кўтарилиб олишини таъминлади. Шунингдек “Зомин” ҳам ўз олдига қўйилган вазифани уддалади. 4-ўрин эгаси эса, сўнгги турда аниқланадиган бўлди. Қуйида бугунги ўйинда қайд этилган натижалар билан танишиб олишингиз мумкин.

6-тур. 14 октябрь (душанба)
“Бунёдкор-2” – “Ғаллакор” 0:2
“Сурхон” - “Локомотив-БФК” 0:2
“Хотира-79” – “Зомин” 2:2

6-ТУРДАН КЕЙИНГИ ВАЗИЯТ

1	ЛОКОМОТИВ-БФК (Тошкент)	5	4	0	1	13-8	12
2	ХОТИРА-79 (Уйчи)	5	3	2	0	14-7	11
3	ЗОМИН (Зомин)	6	2	3	1	11-7	9
4	ҒАЛЛАКОР-АВТОМОБИЛЬЧИ (Ғаллаорол)	5	2	1	2	5-8	7
5	СУРХОН (Термиз)	5	1	2	2	5-7	5
6	БУНЁДКОР-2 (Тошкент)	5	1	1	3	7-10	4
7	БУХОРО-2 (Бухоро)	5	0	1	4	6-13	1

Турнир тақвимига кўра, жамоалар эртага дам олади. 16 октябрь куни эса мусобақанинг энг сўнгги тур ўйинлари бўлиб ўтади. Айтиш жоизки, дастлабки 3та ўрин эгаси деярли аниқ бўлиб улгурди. Энди 4-ўрин учун чоршанба куни жиддий кураш кечади. Сўнгги турда тўқнаш келадиган “Бухоро-2” - “Бунёдкор-2” қарама қаршилиги ҳеч нима англатмайди. Бу жамоалар биринчи лигада қолишдан аллақачон умидларини узишган. Энди улар шунчаки расмиятчилик учун майдонга тушишади.

Эслатиб ўтамиз, турнир жадвалида 1-2-ўринни эгаллаган жамоалар кейинги йил ҳам биринчи лигада иштирок этиш хуқуқини қўлга киритади. 3-4-ўринни банд этган жамоалар эса айни пайтда биринчи лиганинг иккинчи босқичида иштирок этаётган ва турнир жадвалида 15-16-ўринларни банд этган жамоалар билан куч синашади. Яъни 3-ўрин соҳиби, биринчи лигадаги 16-ўринни эгаллаган жамоа билан ўзаро ўйин ўтказса, 4-ўрин эгаси эса 15-ўринни банд этган клуб билан тўқнаш келади.

7-тур. 16 октябрь (чоршанба)
“Бухоро-2” - “Бунёдкор-2”
“Ғаллакор” – “Сурхон”
“Локомотив-БФК - “Хотира-79”

Исломбек Рустамбеков

Пулька. 6-тур ўйинлари поёнига етди