Musobaqa jadvalida peshqadam bo'lib turgan OKMK jamoasi Qarshida bir pog'ona pastda va bir ochkoga ortda borayotgan "Nasaf" mehmoni sifatida maydonga chiqadi.

So'nggi besh yilda sovrinlar uchun doimiy kurashayotgan bu ikki jamoa o'rtasidagi to'qnashuv o'ta principial tus olgan. Bu raqobat faqat maydonda emas, murabbiylar faoliyatida ham muhim ahamiyatga ega. Berdiev va Qosimov - etarlicha tarixga ega bo'lgan shaxslar to'qnashuvi. Biroq ayrim statistik malumotlar "ajdarlar"ning o'z uyidagi ustunligini ko'rsatib turibdi.

O'zaro uchrashuvlar

Jamoalar shu kunga qadar Superliga doirasida 36 marotaba uchrashishgan bo'lib, katta ustunlik maydon egalari tomonida 17 g'alaba. 5 ta o'yinda olmaliqliklarning qo'li baland kelgan bo'lsa, 14 ta bahsda kuchlar teng kelgan. OKMK oxirgi marotaba raqibini Superliga doirasida 2020 yil taslim qilishni uddasidan chiqqan u ham bo'lsa Olmaliqda (2:1). Keyingi 9 ta o'yinning 4 tasida Ro'ziqul Berdiev shogirdlari 3 ochkolik bo'lgan, 5 ta o'yinda murosa ko'chasi tanlangan.

Qosimovning Qarshida qolgan qasami

Mirjalol Qosimov 2019 yil OKMK boshqaruvini qo'lga olgan bo'lsada, shu vaqtgacha biror marotaba Qarshida "Nasaf"ni dog'da qoldirishga muvaffaq bo'lgani yo'q. Statistikaga yuzlanadigan bo'lsak, 8 ta o'yin (2 ta O'zbekiston Kubogida) faqat 2 bor durang qayd etilgan, xolos. 6 ta o'yinda Berdievning boshi osmonda bo'lgan. To'plar nisbati 2:14 ko'rinishda. "Konchilar" hattoki oxirgi 3 ta bellashuvda mehmonda raqibi darvozasiga gol ura olmagan. Jamoaning "Nasaf" ustidan safarda qo'lga kiritgan yagona g'alabasi 2018 yilgi mavsumda Baxtiyor Ashurmatov davrida qo'lga kiritilgan.

Tarixiy g'alabadagi tarkib

"Nasaf" - OKMK 0:2

Bosh hakam: Viktor Serazitdinov (Toshkent)

Qanot hakamlari: Ravil Shoyaxmetov (Toshkent), Husniddin Shodmonov (Buxoro)

Zaxira hakami: Isxaq Ibragimov (Nukus)

Nazoratchi: G'ayrat Karimov (Toshkent)

Uchrashuv komissari: Laziz Qo'chqorov.

Gollar: Muzaffar Muzaffarov 49, - 0:1 (Jasur Hasanov). Zohir Pirimov 62, - 0:2.

“Nasaf”: 35.Sanjar Quvvatov, 4.Maqsud Karimov (38.Akmal Mozgovoy, 67), 5.G'olib G'aybullaev, 7.Odiljon Hamrobekov, 9.Amirjon Safarov, 10.Bobir Abduxoliqov, 14.Sharof Muhitdinov, 15.Dilshod Saitov, 27.Islom Rashidxonov (20.Islom Kenjaboev, 60), 31.Saydullo Rahmatov (52.Sherzod Temirov, 79), 92.Umarbek Eshmurodov.

Zaxira: 1.Umidjon Ergashev, 3.Ilhomjon Alijonov, 17.Doniyorjon Narzullaev, 18.Bobir Davlatov, 28.Xurshidbek Muxtorov.

OKMK: 12.Roman Abdulov, 2.Abduqahhor Hojiakbarov, 6.Azamat Isroilov, 8.Muzaffar Muzaffarov (71.Jamshid Hasanov, 78), 11.Jasur Hasanov, 13.Lutfulla To'raev (s), 14.Zohir Primov, 15.Vladimir Bubanya, 16.Milosh Trifunovich (9.Zafar Polvonov, 46), 19.Vladislav Kasminin, 23.Yovan Jokich.

Zaxira: 46.Xurshid Xo'jaev, 17.Kamoliddin Murzoev, 21.G'ulom-Haydar G'ulomov, 22.Abdumalik Abdullaev, 24.Javlon Guseynov, 70.Oybek Qilichev, 72.Alisher Samatov.

Ogohlantirishlar: Yovan Jokich 68, G'olib G'aybullaev 75

Superligadagi vaziyat. "Nasaf"da mag'lubiyatsiz yurish davom etadimi?

Aytish mumkinki, ikki jamoa ham Superligada barqaror ishtirok etmoqda. Qosimov jamoasi o'zining kambeklari bilan raqiblarini hushyor bo'lishga chaqirayotgani, "Nasaf"ning Kubokdan so'ng bor etiborini elitaga qaratishi va hokazo. Fakt shuki, qarshiliklar joriy mavsumda Superligada mag'lub bo'lmagan ikki jamoadan biri bo'lib turibdi (yana bittasi "Dinamo"). Jamoa oxirgi marotaba 2024 yilning 30 noyabr kuni uyda "Metallurg"ga yutqazgandi.

Taxmin

Yuqoridagi faktorlardan kelib chiqib aytganda bugun kuchlar teng kelishi ehtimoli yuqoriroq. Jamoalarning oxirgi bahsida OKMK kambek evaziga raqibini taslim qilgan faqat u kubok musobaqasida edi. Bugungi o'yin boshqa, unga bo'lgan munosabat ham farq qiladi. Taxminimcha, aynan shu o'yin g'olibi birinchi davrani chempioni sifatida yakunlaydi.

OKMKning taqvimi:

12-tur. OKMK - "Sho'rtan"

13-tur. "Navbahor" - OKMK

14-tur. OKMK - "Surxon"

15-tur. "Mashal" - OKMK

"Nasaf"ning taqvimi:

12-tur. "Nasaf" - "Navbahor"

13-tur. "Mashal" - "Nasaf"

14-tur. "Nasaf" - "Paxtakor"

15-tur. "Dinamo" - "Nasaf"

Ko'rinib turibdiki, "ajdarlar"ning keyingi raqiblari OKMKnikiga nisbatan ancha jiddiyroq. OKMKda biroz engilroq desak mubolag'a bo'lmasa kerak.

Yoqimli tomosha tilaymiz!

Qarshida qolgan qasam: Qosimovning "Nasaf"ga qarshi qora statistikasi