Тадбирда вилоят ҳокими Муротжон Азимов, ЎФА биринчи вице-президенти Равшан Ирматов, ЎФА вице-президенти Одил Аҳмедов, кенг жамоатчилик ва футбол мухлислари иштирок этишди.

Тадбирда сўз олган вилоят ҳокими Қашқадарё вилояти футбол академияси очилишини юртимизда футболнинг келажагига қўйилган навбатдаги муҳим қадамлардан бири эканлигини айтиб, бу ерда таълим-тарбия олган ёшлар жаҳон футбол майдонларида юртимиз шарафини муносиб ҳимоя қилишига ишонч билдирди.

Шунингдек, вилоятимизнинг бир қатор футбол фидойилари ЎФА томонидан "Ўзбекистон футболи ривожига қўшган ҳиссаси учун" кўкрак нишонлари билан тақдирланди. Шундан сўнг академияда яратилган шароитлар билан танишилди.

Маълумот учун, академия ҳудудида замонавий ўқув ва машғулот бинолари, фитнес ва тикланиш марказлари, тиббий хизмат хоналари, ётоқхона, ошхона ҳамда сунъий қопламали ва табиий футбол майдонлари барпо этилган бўлиб, бу инфратузилма ёшларимизга халқаро стандартларга мос шароитларда шуғулланиш имконини яратади.

Қашқадарё футбол академияси фойдаланишга топширилди