6 may kuni "Nasaf" klubi akademiyasi stadionlarida o'zbek futbolining 110 yilligiga bag'ishlangan xalqaro turnirga start berildi. Unda O'zbekistondan tashqari, Qozog'iston, Tojikiston va Qirg'izistondan tashrif buyurgan 10-11-12-13 yoshdagi bolalardan tashkil topgan 14 jamoa ishtirok etmoqda.

Guruh bosqichi bahslaridan so'ng 9-may kuni chorak va yarim final bellashuvlari o'tkaziladi.

10 may kuni esa final o'yinlarida g'oliblar nomi aniqlanadi.

Shundan so'ng Qashqadaryo viloyati hokimligida o'zbek futbolining 110 yilligiga bag'ishlangan matbuot anjumani bo'lib o'tdi. Unda Qashqadaryo viloyati hokimi, viloyat futbol associaciyasi prezidenti Murotjon Azimov, O'FA rahbariyati, o'zbek futboli faxriylari va OAV vakillari ishtirok etishdi.

Matbuot anjumanida Murotjon Azimov viloyatda futbol rivoji yo'lida amalga oshirilgan ishlar va bo'lajak rejalar bilan o'rtoqlashdi.

Anjuman yakunida Qashqadaryo viloyati hokimi Murotjon Azimovga “O'zbekiston futboli rivojiga qo'shgan hissasi uchun” ko'krak nishoni topshirildi. Bundan tashqari, bir qator faxriylarga esdalik sovg'alari berildi.

Mazkur shodiyonaning asosiy voqeasi bo'lmish "Nasaf" - "Paxtakor" uchrashuvidan oldin Qashqadaryo viloyati hokimi Murotjon Azimov va O'FA rahbariyati so'zga chiqib, barchani o'zbek futbolining 110 yilligi bilan tabrikladilar. Shundan so'ng viloyat hokimligi va O'FA tomonidan bir qator futbol faxriylari taqdirlandi.

O'zbek klassikosida hisob ochilmadi. Shu tariqa, Qashqadaryo safari ham poyoniga etdi.

Qashqadaryoda o'tkazilgan o'zbek futboli 110 yillik tantanasining ikkinchi kunidan GALEREYA