Ushbu musobaqa Olimpiadaga yo'llanma beradi.

Kecha ana shu musobaqada faoliyat olib borish uchun Qatar poytaxti Dohaga etib keldim. Bu safar xizmat safarim biroz boshqacharoq o'tadi. Sababi, men bu gal OFK uchun rasmiy fotograf sifatida ishlayman. Kecha Dohaga Dubay orqali musobaqada ishlovchi o'zbekistonlik hakamlar bilan birga keldim. Demak, U-23 Osiyo kubogida O'zbekistondan Vladislav Ceytlin (hakamlar nazoratchisi), Rustam Lutfullin (bosh hakam), Sanjar Shoyusupov, Alisher Usmonov (ikkisi yordamchi hakam) va Firdavs Norsafarov (VAR hakami)lar faoliyat olib borishadi. OFK delegaciyasi va hakamlar "Sheraton" (Sheraton Grand Doha Resort) mehmonxonasiga joylashishgan.

Timur Kapadze boshchiligidagi olimpiya terma jamoamiz esa Dohaga bugun Qatar vaqti bilan 16:05 (Toshkent vaqti bilan 18:05)da etib kelishadi. O'zbekiston U-23 terma jamoasi musobaqa davomida "City Centre Rotana Doha" mehmonxonasida istiqomat qilishadi. Bu mehmonxonaga shuningdek Xitoy U-23 terma jamoasi ham joylashadi.

O'zbekiston U-23 terma jamoasining guruh bosqichidagi taqvimi:

U-23 Osiyo kubogi

"D" guruhi, 1-tur

17.04.2024, 16:00 (Toshkent vaqti bilan 18:00).

O'zbekiston - Malayziya

"Xalifa Interneshnl stedium"

"D" guruhi, 2-tur

20.04.2024, 18:30 (Tosh. vaqti bilan 20:30).

Kuvayt - O'zbekiston

"Al Janub" stadioni

"D" guruhi, 3-tur

23.04.2024, 18:30 (Tosh. vaqti bilan 20:30).

O'zbekiston - Vetnam

"Xalifa Interneshnl stedium"

Championat.asia o'quvchilari uchun musobaqani yoritish maqsadida esa Jahongir Fayzullaev hamda Abdulvosit Bektemirov 16 aprel kuni Dohaga etib kelishadi. Musobaqada faoliyat olib boradigan barcha o'zbekistonliklarga omad va zafar yor bo'lishini tilab qolamiz. Futbolchilarimiz Olimpiada yo'llanmasi bilan, hakamlarimiz ijobiy baholar bilan, biz esa yaxshi kadrlar bilan ortga qaytaylik. Omad siz va bizni aslo tark etmasin!

U-23 Osiyo kubogining barcha guruhlari.

Qatar o'zbekistonliklarni kutib olmoqda. Kecha hakamlarimiz etib kelishdi, bugun esa Kapadze jamoasi Dohaga keladi