Dastlab Qirg'iziston bosh murabbiy Urmat Abduakimov fikrlarini bildirdi.

"Birinchi navbatda yigitlarga maydonda borini bergani uchun rahmat aytaman. Bugun yaxshi o'yin ko'rsatishdi deya olaman. Lekin bizning g'alabamizni o'g'irlashdi. Buni ko'rib chiqish kerak. 3 ta gol urib 1:2 yutqazish alamli. Og'ir mag'lubiyatni qabul qilib oldik, chunki maqsadimiz yuqori edi. Lekin oldinda yana bitta O'zbekistonga qarshi o'yin kutib turibdi. Ko'proq gol urishga harakat qilamiz",- deydi Urmat Abdukaimov.

- Oxirgi daqiqalarda jamoaga nima etishmadi?

- Qiyin vaziyat. Maydonga xalqaro maydonda tajribasi kamlarga imkoniyat berdik, shu bois tajriba etishmadi. Boz ustiga markaziy himoyachilarimiz bilan bog'liq 2 ta rejalashtirilmagan o'zgarish qildik. Qiyin raqib bilan o'yinda oson bo'lmaydi. Standart vaziyatlardan ko'p gol o'tkazyapmiz. Buni ko'rib chiqish kerak.

- Kojoning hisobga olinmagan golini qaytadan ko'rdingizmi?

- Tasvirlarni endi ko'rib chiqamiz. Savollar bor albatta. Ammo zaxira o'rindig'idan turib ko'rish boshqacha xulosalarni beradi. Ayniqsa sizga qarshi qarorlar qabul qilinsa.

- Bir yarim yil oldin Osiyo Kubogida O'mon bilan durang o'ynagandinglar. Bu vaqt ichida Qirg'iziston terma jamoasi qanchalik kuchaydi, nimalar o'zgardi?

- Jahon chempionatining uchinchi saralash bosqichida qatnashish katta tajriba berdi. Munosib natijalar qayd etdik. Debyutimizdan hech kim bunday natijalar kutmagandi. Biz yanada kuchli jamoaga aylandik degan bo'lardim. Mazkur turnirda tarkibimiz to'liq emas, chunki tajribali futbolchilar etib kelmagan. Bu orqali yoshlarga imkoniyat bermoqdamiz.

Qirg'iziston bosh murabbiyi: "G'alabamizni o'g'irlashdi"