Podkast davomida Masharipov bir qator savollarga javob berdi.

"Qirg'iziston bilan sariq kartochka olgan vaziyatda Shomurodov to'pni menga qoldirishini sezdimva to'pni olib o'tamanda, uning oyog'iga urilaman deb reja qildim. To'pni olib o'tdim, miyamda yiqilish bor edi, ammo raqib oyog'ini cho'zmadida. Hakamga to'xta deyishga ham ulgurmadim. Ichimdan nima o'tganini o'zim bilaman.

O'yindan oldin kiyim almashtirish xonasida ham yigitlar bilan gaplashgandik. Hisob 5:0 bo'ladimi, 1:0 bo'ladimi 3 ochko olsak bo'ldi dedik. O'yinda kim gol urishi, eng yaxshi bo'lishining farqi yo'q Jahon chempionatiga chiqsak bo'lgani deb kelishdik. Qirg'izistonni hurmat qilib maydonga tushgandik, ko'p vaziyatlar yaratdik, shunchaki foydalana olmadik.

Katanec bizga bir narsani o'rgatib ketdi: Himoyada yaxshi o'ynab gol o'tkazmasak, hujumda kamida 1 ta gol ura olamiz. To'g'ri muxlislarga ko'p gol urilsa yoqadi. Agar 5:0 yutganimizda bu Qirg'iziston edi deyishardi, Eron bilan ko'ramiz deyishardi.

86-daqiqada almashtirildim va zaxirada o'tirganimda Hojimat yaxshiyam ular qizil olishdi dedi. Kim qizil oldi dedim? Penaltida qizil berdiku dedi. O'sha vaziyatni oyog'imni ushlab yotib qolgandim va ko'rmadim. O'yin tugaganidan keyin Eldorga raqib 10 kishi qoganakan disam yo'g'e dedi. Tanaffus vaqtida qizil kartochka haqida gap bo'lmadida. Agar qizil kartochkani ko'rganimizda biroz bo'shashardik, biroz erkinroq o'ynardik. Agar Qirg'iziston 10 kishi bo'lganini bilganimda Timur akaga bitta himoyachini olib hujumga futbolchi tushiring derdim.

Qirg'iziston kabi jamoalarga qarshi 5 himoyachi bilan o'ynash kerak emas deb hisoblayman. Eronga qarshi 5 himoyachi bilan o'ynasak to'g'ri. Terma jamoaga qarab taktikani o'zgartirish kerak deb o'ylayman.

Terma jamoani tark etganimdan keyin 10-raqamni menimcha Abbos olsa kerak. Har taraflama mos keladi", - dedi Jaloliddin Masharipov.

Quyida podkastni to'liq tomosha qilish mumkin:

<span class="fr-mk" style="display: none;"> </span><span class="fr-mk" style="display: none;"> </span>

"Qirg'iziston kabi jamoalarga qarshi 5 himoyachi bilan o'ynash kerak emas deb hisoblayman" - Jaloliddin Masharipov