АГМК ҳамда "Қизилқум" жамоаларининг ўйинлари тарихига назар соладиган бўлсак, шу пайтга қадар ички чемпионатда жами 26 бор тўқнаш келган бу икки клубнинг ўзаро учрашувларида ҳозирча тенглик. АГМК ва "Қизилқум" ҳисобида 11 тадан ғалаба мавжуд ва қолган 4 ўйинда эса ғолиб номи аниқланмаган. Тўплар нисбати эса АГМК фойдасига: 45-39.

Айни пайтда "Қизилқум" 1 очко билан турнир жадвалида 12-поғонани эгаллаб турибди, АГМК эса 5 очко билан 6-ўринда бормоқда.

Эътиборга молик тарафи, юзага келган танаффусда "Қизилқум"да бош мураббий алмашди. Ҳамид Актамов ўрнини тажрибали Тачмурад Агамурадов эгаллади. Агамурадов айнан АГМКга қарши ўйинда "Қизилқум" рулидаги дебютини ўтказади.

"Қизилқум" - АГМК учрашувини Аҳрол Рисқуллаев бошқаради.

Ўйин Навоийдаги "Ёшлик спорт мажмуаси"да соат 20:00да бошланади.

Учрашув карантин талабларига мувофиқ томошабинларсиз ўтказилади.

АГМК коронавирусга тест топширди

"Қизилқум" - АГМК: Тарози палласини ким ўз томонига оғдиради? Превью