Суперлигадаги барча 14 жамоа ўз рақибларини билиб олишди. Навоийнинг "Қизилқум" жамоасини дастлабки турда Тошкентнинг "Локомотив" клубига қарши тўқнашув кутиб турибди. Афтидан бу баҳс марказий мақомни олмаслиги мумкиндир. Лекин икки жамоа аъзолари учун ўзига ҳос қизиқарли ўтиши шубҳасиз.

Нима учун дейсизми? Бугунги кунда "Қизилқум" таркибининг катта қисмини собиқ "темирйўлчилар" ташкил қилади. Жавоҳир Илёсов, Темурхўжа Абдуҳолиқов, Шуҳрат Муҳаммадиев, Бобур Йўлдошев, Игнатий Нестеров, Санжар Шоаҳмедов, Ислом Тўхтахўжаев, Олег Зотеев, Салим Мустафоев. Хўш, жамоа бош мураббийи Никола Лазаревичниг бу борадаги фикрлари қандай?

"Шахсан менда "Локомотив" ҳақида етарлича маълумотлар бор. Нафақат мавсумдаги илк учрашувга, балки ҳамма ўйинга жиддий тайёргарлик кўрамиз. Мавсум узоқ давом этади. Биринчи турни ғалаба билан бошлаш ёқимли бўлади. Таркибимизда аввал "Локомотив"да ўйнаган футболчилар ўйнамоқда. Кўрамиз, кузатамиз. "Сараево" билан ўйинга келсак, биз янги нарсани синовдан ўтказиб кўрдик. Шунингдек, жисмоний жиҳатдан ҳали тўлиқ формада эмаслигимиз сезилди. Машғулотларда кўпроқ шунинг устида ишламоқдамиз. Буни ўзингиз ҳам кўрдингиз", - дейди сербиялик мураббий.

"Қизилқум" бош мураббийи - қуръа, "Локомотив" ва "Сараево"дан учралган мағлубият ҳақида