"Tezkor gol o'tkazib yubordik. Bu gol o'yinimizga salbiy tasir o'tkazdi. Birinchi bo'limda bizda ko'plab imkoniyatlar bo'ldi. Bergan zarbalarimiz darvozaga kirmadi. Bitta jarimadan urdik. Bo'lim oxirida gol o'tkazib qo'ydik natijada bizga qiyin bo'ldi", - dedi Obid Xudoyorov.

- Bilamizki siz o'rinbosarlar jamoasi bosh murabbiyisiz. O'tgan mavsumda adashmasam 2-davra oxirlarida chap qanot ximoyachisi Salim Mustafoev ko'plab uchrashuvlarni o'tkazib yubordi. Shunda o'rinbosarlar tarkibida xarakat qiladigan Jaxongir Xusanov asosiy tarkibda Salim Mustafoev o'rnini to'ldirdi. Bu yil xam "Qizilqum" tarkibida Jaxongir Xusanov kabi yosh istedodli futbolchilarni ko'ramizmi?
- Yoshlar tarkibida bir nechta yaxshi asosiy tarkibga nomzod futbolchilar bor. Barchaga imkoniyat beriladi barchasini vaqt ko'rsatadi. Agarda ular o'rinbosarlar jamoasida o'zlarni yaxshi tomondan ko'rsatishsa murabbiylar albatta ularni sinab ko'radi. Murabbiylar barcha o'yinlarga borishmoqda va futbolchilarni kuzatishmoqda. Asta sekinlik bilan asosiy tarkibga olib chiqamiz yaxshi futbolchilarni. Yaxshi futbolchilar bor.

- Jamoaga yangi mavsum transfer oynasida kelib qo'shilgan futbolchilar legionerlarni o'yinidan murabbiy sifatida shaxsiy fikriz qanchalik ko'nglingiz to'ldi?
- Ozgina ximoyachilarni o'yinidan ko'nglim to'lmadi. Tayanch yarim ximoyamizda kamchiliklar ko'zga tashlanib qoldi. Aynan to'p raqibdan olib qo'yib birinchi pasni etkazishda ko'plab xatolar kuzatildi.

- "Qizilqum" jamoasi legioner futbolchisi Makkartney Naveseb birinchi bo'limdayoq almashtirildi bunga sabab nima?
- Bugungi o'yinda uni o'yini chiqmadi. O'ziga biroz noqulay poziciyada xarakat qildi. Birinchi o'yinda xujumning markazida o'ynagan edi. Bugungi o'yinda esa undan ko'ra Qadamboy Nurmetov yaxshiroq o'ynadi. Naveseb o'ziga berilgan vazifani to'liq uddalay olmadi. Shu uchun uni kelishilgan xolda almashtirdik.

- Legioner futbolchilar bilan til borasida muammolar bo'lmayaptimi?
- Legionerlar bilan til borasida muammolar yo'q. Futbol til tanlamaydi.

Shahboz G'ulomov yozib oldi

"Qizilqum" yordamchi murabbiyi Obid Xudoyorov: "Futbol til tanlamaydi"