Murabbiylar bulajak uchrashuv oldidan har-xil taktik qo'llanmalarni ko'rib chiqmoqdalar. Qo'yida kechagi mashg'ulotlardan fotosuratlarni etiboringizga havola etamiz.

photo_2016-03-31_05-01-25

Futbolchilar mashg'ulot boshida jismoniy mashqlarni bajarishdi. So'ngra esa to'p bilan ishlashga o'tildi.

Jamoamizda bo'lg'usi o'yinn oldidan jiddiy yo'qotishlar bor. Sardorimiz Aziz To'xtaboev jarohat bois engil mashg'ulot o'tkazgan bo'lsa, Andrey Baklanov kecha tomoshabin sifatida mashg'ulotlani kuzatdi. Shuningdek, hujumchi Navro'z Alimov mashg'ulotlar davomida olgan jarohati jiddiyroq ko'rinadi. U kechagi mashg'ulotlarga kelmadi ham. Bu uchchala futbolchining o'rnini kimlar to'ldirishini o'yin kuni ko'ramiz.

Darvozabonlar haqida gap ketganda Ruslan Matniyazovning jarohatdan so'ng to'p bilan ishlashni boshlagani quvonarli holat. Kechagi mashg'ulotlarda esa darvozalarni tajribali G'ayrat Hasanov hamda yosh darvozabonimiz Islom Abdullaevlar qo'riqlashdi.

Murabbiylarimiz bu yil yosh futbolchilarimizga ko'proq etibor qaratishmoqda. Kechagi mashg'ulotlarda yosh hujumchi Doston Meliqo'ziev ko'p ter to'kdi. Navro'zning o'rniga Dostonga ishonch bildirilarmikan? Shuningdek, yana bir yosh yarim himoyachi Iqbol Malikjonov ham murabbiylardan ko'plab ko'rsatmalarni oldi.

Yana bir hujumchimiz Azizxon Ibragimov ham O'zbekiston Kubogi 1/16 finad doirasidagi “Nbu-Osiyo”ga qarshi o'yinda gol urib murabbiylar etirofiga sazovor bo'lgandi. Unga yana imkoniyat berilishi mumkin.

Qolgan barcha futbolchilar esa bo'lg'usi o'yinga katta ishtiyoq bilan tayyorgarlik ko'rishmoqda.

Bu ikki insonni andijonliklar hali unutishmagan bo'lsalar kerak. Sergey Kovshov va Abdulloh Olimov .

Jamoamiz shifokorlari futbolchilarimizning har bir o'yinga sog'-salomat etib kelishlari yo'lida bor kuch-g'ayratlarini ishga solmoqdalar.

Eslatib o'tamiz, “Qo'qon-1912” – “Andijon” jamoalari o'rtasidagi uchrashuv 2 aprel kuni soat 16:30da boshlanadi.

"Qo'qon-1912": "Andijon"ga qarshi o'yin oldidan (fotomaqola)