Ochilish uchrashuvi
Shu kuni Qo'qondagi “Markaziy” stadionda mavsumning ochilish marosimi ham bo'lib o'tadi. Bu marosimga o'ziga xos tarzda tayyorgarlik ko'rilmoqda. Shanba kuni stadionga tashrif buyurgan muxlislar olam-olam taassurot bilan qaytishlari aniq.

O'zaro o'yinlar
“Qo'qon-1912” hamda “Navbahor” klublari shu kungacha 24 bor kuch sinashishgan. 5 ta uchrashuvda “Qo'qon-1912”ning qo'li baland kelgan. “Navbahor” 15 ta o'yinda g'alaba qozongan. 4 ta o'yinda durang qayd etilgan. To'plar nisbatida ustunlik “lochinlar” tomonida: 50-27. “Navbahor” o'zaro o'yinlarda 49 ochkoga ega bo'lgan, “Qo'qon-1912” esa 19 ochkoni qo'lga kiritgan.

“Qo'qon-1912” maydonida bo'lib o'tgan so'nggi besh uchrashuv:
21.10.2017 Qo'qon-1912 – Navbahor 2:0
01.10.2016 Qo'qon-1912 – Navbahor 1:1
31.05.2015 Qo'qon-1912 – Navbahor 0:1
23.08.2003 Qo'qon-1912 – Navbahor 1:2
09.11.2002 Qo'qon-1912 – Navbahor 1:0
22.06.2000 Qo'qon-1912 – Navbahor 1:4

O'zaro o'yinlar haqida fakt: “Qo'qon-1912” o'z maydonida o'tkazgan 11 ta o'yinning beshtasida g'olib chiqqan. Uchta bellashuvda tomonlar ochkolarni bo'lib olishgan.

Qo'qondagi so'nggi uchrashuv
Ushbu jamoalarining oxirgi o'yini 2017 yilgi chempionatning 25-turda Qo'qonda bo'lib o'tgan o'yin edi. Shiddatli va keskin kurashlar ostida o'tgan uchrashuvda mezbonlar 2:0 hisobida g'alaba qozonishgan edi.

Eski tanishlarning yangi to'qnashuvi
Juma kungi bahsda eski tanishlar – “Qo'qon-1912” bosh murabbiyi No'mon Hasanov va “Navbahor” ustozi Ilhom Mo'minjonovlarning navbatdagi to'qnashuviga guvoh bo'lamiz.
Mo'minjonov “Navbahor”ni qabul qilib olganidan beri “Qo'qon-1912”ni mag'lubiyatga uchrata olgani yo'q.
O'tkazilgan ikkita uchrashuvda durang qayd etilgan bitta o'yinda "Qo'qon-1912"ning qo'li baland kelgan.

Tarixiy o'yin
Bu jamoalari juma kuni Superligadagi o'zaro birinchi uchrashuvlarini o'tkazishadi. Demak, 31 mart kungi bahs o'ziga xos tarixiy ahamiyatga ega bo'ladi.
Tarixiy o'yinlar haqida gapiradigan bo'lsak, bu jamoalar 1992 yilgi O'zbekiston Kubogi finalidagi maydonga tushishganini eslash joiz.

Kimning tarnsfer narxi baland?
Germaniyaning Transfermarkt.de portali futbolchilarning taxminiy transfer narxini elon qilib borishidan xabaringiz bor. Ushbu saytning malumotiga ko'ra, “Qo'qon-1912” jamoasining umumiy narxi 4,23 million evroga baholgan. "Qo'qon-1912"dagi eng transferi yuqori bo'lgan futbolchi Aleksandr Merzlyakov bo'lib turibdi. Uning transfer narxi 450 ming evroga teng.

“Navbahor”ning umumiy narxi esa 4,4 million evroga baholangan. Namanganliklar tarkibidagi eng qimmat futbolchi - Davron Hoshimov bo'lib, uning trasfer narxi 400 ming evroni tashkil etmoqda.

Hakamlar
31 mart kuni Qo'qonda bo'lib o'tadigan “Qo'qon-1912” – “Navbahor ” uchrashuvini Hasan Ro'ziev boshchiligidagi hakamlar boshqarib boradigan bo'lishdi.
Ushbu hakam o'tgan yili ham “Qo'qon-1912” – “Navbahor” uchrashuvini boshqargan.
Umuman olganda, ushbu hakam shu kunga qadar "Qo'qon-1912" ishtirokidagi ettita uchrashuvda ishlagan.

Superliga
4-tur
“Qo'qon-1912” – “Navbahor”
Hakamlar: H. Ro'ziev (Toshkent), O. Abduvosilov (Toshkent), S. Shoyusupov (Toshkent), D. Akmalov (Toshkent)
Nazoratchi: R.Aytekov (Toshkent)
Komissar: M. Saidqosimov

Boshlanish vaqti
Mazkur uchrashuv juma kuni soat 18:00da “Markaziy” stadionida start oladi. 30 mart kuni esa ushbu jamoalarning o'rinbosarlari Uchko'prikdagi “Markaziy” stadionda maydonga tushishadi. Uchrashuv soat 16:00da boshlanadi.

Barcha muxlislarni stadionga chorlab qolamiz.

“Qo'qon-1912” – “Navbahor” o'zaro o'yinlar tarixidan