Turni "shunqorlar"ning "sherlar" bilan "jang"i boshlab beradi.

Coca-Cola Superliga. 21-tur
1 oktyabr, juma
QO'QON-1912 – PAXTAKOR
Hakamlar: Vadim Agishev, Sanjar Shoyusupov, Alisher Usmonov, Alisher To'xtasinov
Nazoratchi: Dmitriy Roman
Komissar: Aleksandr Davidenko

Musobaqa jadvali

Baxtiyor Ashurmatov shogirdlari hisobida ortda qolgan 20 turdan keyin 25 ochko bor (9-o'rin). Piterning "Paxtakor"i bilan oradagi tafovut 26 ochkoga teng. "Markaziy" stadionda o'tkazilgan o'yinning ahamiyatini oshiruvchi katta bir sabab bor. Toshkent klubi shu o'yindagi g'alaba orqali mamlakat chempionligini rasmiylashtirishi mumkin. Nazariy jihatdan imkoniyat mavjud. Faqat buning uchun "Andijon" o'z maydonida "So'g'diyona"ni engishi kerak.

So'nggi o'yin

Ushbu jamoalar Superliganing 8-turida Toshkentda to'qnashishgan, o'sha o'yinda "sherlar" yirik hisobda zafar quchishgan edi.

Coca-Cola Superliga. 8-tur
12 may, chorshanba
18:50 - PAXTAKOR – QO'QON-1912 3:0

Gol: 39 - Diyor Xolmatov 1:0, 45+2 Eren Derdiyok 2:0, 62- Dragan Cheran 3:0
"Paxtakor": 35.Sanjar Quvvatov, 34.Farrux Sayfiev, 23.Sherzod Azamov (16.Marlen Chobanov, 88), 5.Anzur Ismoilov (S), 6.Ibrohim Halil Yo'ldoshev (3.Xojiakbar Alijonov, 75), 21.Abror Ismoilov, 27.Sardor Sobirxo'jaev (19.Sharof Muhiddinov, 79), 18.Xojimat Erkinov, 10.Dragan Cheran, 28.Diyor Xolmatov ( 8.Aziz Turg'unboev,79), 9.Eren Derdiyok(99.Po'latxo'ja Xoldorxonov, 88)
Zaxira: 25.Eldor Suyunov, 14.Xumoyunmirzo Iminov, 17.Sherzod Temirov, 42.Abbos Fayzullaev, .
"Qo'qon-1912": 46.Xurshid Xo'jaev, 5.Slavko Lukich(14.Avaz Mamatxo'jaev,61), 7.Asadbek Sobirjonov, 8.Farhod Bekmurodov, 10.Shohnazar Norbekov (99.Andrey Sidorov
75), 11.Mo'min Meliev(15.Oybek Rustamov,46), 20.Iqbol Malikjonov(91.Yakuba Bamba,46), 22.Muhammadanas Hasanov(13.Sardor Azimov, 46), 23.Aleksandr Merzlyakov, 33.Ivan Yosovich, 70.Murod Xolmuhammedov.
Zaxira: 16.Eldor Adhamov, 3.Bobir Akbarov, 9.Hamidullo Abduhamidov, 18.Anvar Hojimirzaev,
Ogohlantirish: Ibrohim Halil Yo'ldoshev (50), Oybek Rustamov (62)

Jamoalarning kayfiyati

"Qo'qon-1912" 20-tur bahsini ham o'z maydonida o'tkazib, so'nggi soniyalarda mag'lubiyatdan qutulib qoldi (penalti evaziga).

"Paxtakor" esa o'z maydonida Yaypanning "Turon" jamoasini engdi (3:1).

O'zaro o'yinlar tarixi

Ertaga o'tkaziladigan bahs jamoalarning O'zbekiston chempionatlari tarixidagi 32-si bo'ladi. Ortda qolgan o'yinlarning 19 tasida "sherlar", 5 tasida "shunqorlar"ning qo'li baland kelgan, 7 durang. To'plar nisbatida ham mutlaq ustunlik "Paxtakor" tomonida - 82:41.

To'purar

"Paxtakor" va "Qo'qon-1912" jamoasi o'rtasidagi o'yinlar to'purari Ingor Shkvirin hisoblanadi (8 gol). 2-o'rinni "sherlar"ning sobiq hujumchisi Igor Sergeev band qilib turibdi.

Qo'qonliklar tarkibida poytaxt jamoasi darvozasiga eng ko'p to'pni Oydinbe Aliev va Soli Qurbonov kiritgan (5 tadan).

18 yil

Endi esa sarlavhadagi savolga qaytamiz. "Qo'qon-1912" so'nggi bor "Paxtakor"ni enggan o'yinni eslay olasizmi? Bu voqea 2003 yilda sodir bo'lgan edi. O'shanda mamlakat chempionligini rasmiylashtirib bo'lgan "sherlar" yoshlarni maydonga tushirgan. Bu "shunqorlar"ning ishini engillatgan edi.

QO'QON-1912 - PAXTAKOR - 3:2 (1:1)
01.11.2003. 30-tur.
Referi: G.Nizamov - 8,7
Gollar:
1:0 - Ashirmatov Uchkurjon, 8
1:1 - Kroxmal Aleksandr - penalti, 33
2:1 - Yusupov Shuxrat, 49
3:1 - Jonaliev Axdam, 57
3:2 - Umarov Baxrom, 87
QO'QON-1912: Zaxareckiy Sergey; Ayzatulov Timur; Namozov Baxtiyor; Jonaliev Axdam (Yuldashev Ali, 78); Nizometdinov Muxsin; Strelcov Andrey; Inog'omov Muhammad; Raxmonqulov Shuxrat; Yusupov Shuxrat; Ashirmatov Uchkurjon (Otajonov Alisher, 46); Maxmudov Xayrullo (Raximov Ibroxim, 46)
PAXTAKOR: Belyakov Oleg; Shamsutdinov Timur; Risqullaev Axrol; Nikitkov Yuriy; Umarov Baxrom; Ismoilov Anzur; Maxmudov Alisher; Erkinov Shahboz; Vahobov Baxritdin; Kroxmal Aleksandr; Dosanov Doniyor
Ogohlantirtshlar: Namozov Baxtiyor, 32; Kroxmal Aleksandr, 45

Xullas, ertaga Baxtiyor Ashurmatov jamoasi 18 yillik tanaffusdan keyin yana "Paxtakor"ni mag'lub qilishi mumkin.

Malumot uchun, yuqoridagi statistika faqat O'zbekiston chempionatlaridagi natijalar asosida shakllantirilgan. Agar barcha turnirlar inobatga olinsa, "Qo'qon"ning oxirgi g'alabasi 2019 yilning may oyida qayd etilgan. O'sha kuni Liga Kubogi doirasidagi o'yinda "shunqorlar" yirik hisobda zafar quchishgan.

Mezbonlarga atalgan turdan qiziq raqamlar: gol, kartochka...

"Qo'qon-1912" necha yildan beri "Paxtakor"ni engolmayapti?