Viloyatning ikki jamoasi o'rtasidagi bahs nafaqat viloyat muxlislarining balki keng jamoatchilikning yuqori qiziqishiga sabab bo'lib kelgan. Chunki derbi maqomiga ega bellashuvlar hamisha keskin va murosasiz o'tadi.

BIRINCHI DAVRDAGI BAHS:

“Qo'qon-1912” va “Neftchi” Oliy liga-2016ning ilk davrasini Farg'ona shahrida o'tkazishdi. 10 iyun kuni “Istiqlol” stadionida bo'lib o'tgan bellashuvda maydon egalari qo'qonlik futbolchilarni 2:1 natijasiga ko'ra mag'lub etishgandi. Dastlab Nosir Otaqo'ziev tomonidan kiritilgan golga keyinchalik Shukur Po'latov o'z dubli bilan javob qaytargandi. Garchi o'sha bahsda “Neftchi” ustun kelgan bo'lsada, viloyatning xar ikkala jamoasi ham g'alabaga loyiq futbol namoyish etganini aytib o'tish o'rinlidir.

O'ZARO STATISTIKA:

Farg'ona viloyati jamoalari Oliy ligada o'zaro 21 marta to'qnash kelishgan. Raqamlar “Neftchi”ning ustunligini ko'rsatmoqda. Mazkur bellashuvning 18 tasini Fyodorov shorigdlari o'z foydalariga hal etishgan bo'lsa, 2 ta o'yinda durang qayd etilgan. Qo'qon jamoasi o'zaro o'yinlar tarixida “Neftchi”ni faqat bir marta mag'lub etishga muvaffaq bo'lgan. To'plar nisbati 64-24, “Neftchi” foydasiga. Ushbu o'yinlarda “Neftchi” 56 ochkoga ega chiqqan, “Qo'qon-1912” esa 5 ochkoni rasmiylashtirgan.

NAVBATDAGI DERBI

“Qo'qon-1912” – “Neftchi” o'yini joriy yilning 22 oktyabr kuni Qo'qondagi “Markaziy” o'yingohda o'tkazilinadi. Ushbu bellashuvga jamoalar ikki xil kayfiyatga etib kelishmoqda. So'nggi turda mazkur raqiblar Toshkent jamoalariga qarshi turni o'tkazishdi. “Neftchi” Farg'onada “Paxtakor”ni engan bo'lsa, “Qo'qon-1912” vakillari “Lokomotiv” klubi uyidan ochkosiz qaytashdi. Navbatdagi “viloyat derbisi” Olimjon Tolibjonov boshliligidagi hakamlar guruhiga topshirildi. Malumot o'rnida, shanba kuni bo'lib o'tadagn o'yin soat 15:30ga belgilangan.

Barcha muxlislarni Qo'qondagi bahsga chorlab qolamiz!

“Neftchi” matbuot xizmati

“Qo'qon-1912” – “Neftchi”: 22-viloyat derbisi arafasida