Қуйида кечаги машғулотларга бағишланган фотомақола билан танишинг.

Машғулотлар 2 қисмга бўлинди. Дастлаб мураббийлар футболчиларга турли жисмоний юкламаларни беришди.

Машғулотлар анча қизиқарли ва юқори кайфиятда бўлиб ўтди. Барча футболчилар берилган машқларни бехато бажаришга интилишди.

Мураббийлар бериладиган машқни аввал ўзлари амалда кўрсатиб беришмоқда.

Бу ерда машғулотларни мураббий Муҳсин Низомиддинов назорат қилмоқда. Жамоада ҳамма ўз ишига сидқидилдан бажараётганлиги кишинини хурсанд қилади.

Ҳужумчимиз Наврўз Алимов жароҳатдан фориғ бўлиб, умумий гуруҳ билан машғулотларни ўтказмоқда. Наврўздан собиқ жамоаси дарвозасига гол кутамиз. Мухлислар сени соғинган Наврўзбек !

Нодир Қўзибоев, Алишер Зиявиддинов ҳамда Баҳодир Акрамовлар эса алоҳида шифокорлар назорати остида шуғулланишмоқда. Биз уларни тезроқ сафга қайтишларини кутиб қоламиз.

Энди навбат тўп билан ишлашга. Дарвозага қараб зарба бериш машқ қилинмоқда.

“Ким дарвозани аниқ нишонга ололмаса 4 марта думалоқ ошади, қани бошладик”

Дарвозабонларимиз хам навбатдаги ўйинга пухта ҳозирлик кўришмоқда.

“Қизиллар” “Кўкларга” қарши. Курашларга бой ўйин бўлди.

Достон Турсунов ҳимояда барқарор ўйин кўрсатмоқда.

Мурод Исмоилов маҳаллий ёшларга алоҳида эътибор қаратмоқда. Ўринбосарлар таркибида ҳаракат қилган Иқбол Маликжонов, Достон Мелиқўзиев ва Ойбек Рустамовлар асосий таркиб машғулотларига жалб қилинган. Тез орада Достон ва Ойбекни ҳам Иқбол Маликжонов сингари асосийда кўрамиз деб умид қиламиз. Бу эса футболчиларнинг ўзларига ҳам боғлиқ.

"Қўқон-1912": "Қизилқум"га қарши ўйин олдидан фотомақола