Uchrashuvni vakillarimiz shiddatli hujumlar bilan boshlashdi. Buning natijasida tezkor gol kiritishga muvaffaq bo'ldik. 4-daqiqada Filip Rayevac darvozabon bilan birga-bir vaziyatga chiqib bordi va “Norin” posbonini aldab o'tib hisobni ochdi. Serbiyalik hujumchi uchinchi o'yinda uchinchi to'pini kiritdi.

14-daqiqada Bahodir Akramovda qulay imkoniyat vujudga keldi. Biroq uning zarbasiga aniqlik etishmadi. 30-daqiqada uzoq davom etgan kombinaciya Suhrob Berdievning zarbasi bilan yakun topdi. “Norin” posboni o'z o'rnida. 31-daqiqa Suhrob Berdiev qanotdan yorib kirib, zarba yo'lladi. Himoyachidan qaytgan to'pni Rayevac deyarli bo'sh qolgan darvozaga joylab qo'ydi.

40-daqiqada Jamshid Hasanov katta tezlikda jarima maydonchasiga kirib bordi va uning o'zatgan to'piga hech kim etib kela olmadi. Birinchi bo'lim shu hisobda yakun topdi. Ikkinchi taymni ham vakillarimiz hujumkor ruhda boshlashdi.

49-daqiqada Sobir Hamidovda qulay imkoniyat vujudga keldi. Ammo futbolchimizga biroz tezlik etishmadi. 50-daqiqada Suhrob Berdiev birga-bir vaziyatdan foydalana olmadi. Uning zarbasini haqqulobodliklar posboni qaytarib qoldi. Bugungi bahsda Oliy va Birinchi liga o'rtasidagi tafovut yaqqol namoyon bo'ldi. 73-daqiqada Andrey Sidorov yaxshi imkoniyatni qo'ldan boy berdi. 75-daqiqada esa Andrey Sidorov burchakdan oshirilgan to'pni boshi bilan raqib darvozasiga aniq yo'lladi va hisobni yirik ko'rinishga olib keldi. Oldingi uchrashuvda ham Andrey Sidorov jamoamizning uchinchi goliga mualliflik qilgandi.

Uchrashuv yakuniga qadar ushbu hisob o'zgarmay qoldi. Natijada jamoamiz bugungi g'alabadan keyin etti ochko bilan guruh peshqadamiga aylandi. “Qo'qon-1912-1” jamoasi navbatdagi uchrashuvni 4 fevral kuni “Mashal-1”ga qarshi o'tkazadi. Aynan mana shu o'yin guruh g'olibini aniqlab beradi.

“Viloyat Hokimi Kubogi-2017”
“B” guruhi
4-tur
“Qo'qon-1912-1” – “Norin” – 3:0 (2:0)
Hakamlar: Jamoliddin Qosimov, Davron Mamatov, Maruf Madvaliev.

Gollar: Filip Rayevac-4, 31, Andrey Sidorov-75.

“Qo'qon-1912-1”: 12. Aziz Ashurov (13. Nikita Ribkin-46), 4. Akmal Xolmurodov (15. Oybek Rustamov-46), 5. Jalil Kimsanov, 6. Bahodir Akramov (28. Avaz Mamatxo'jaev-61), 7. Jamshid Hasanov (75. Ibrohim Rahimov), 10. Javohir Sidiqov, 20. Filip Rayevac (19. Muhammadanas Hasanov-46), 55. Darko Gojkovich, 70. Sobir Hamidov, 83. Nikola Valentich, 90. Suhrob Berdiev (31. Andrey Sidorov-61).
“Norin”: 35. Muhriddin Ahmedov, 2. Jamoliddin Sirojiddinov, 4. Farrux Nurliboev, 8. Sarvar Safarov, 10. Eldor Ergashev, 11. Shohjahon Abbosov, 13. Ilhom Tojiboev, 17. Shoirbek Ro'ziev, 18. Umar To'xtasinov, 21. Islom Ismoilov, 22. Murod To'ychiboev.
Zaxira: 31. Artur Parvanov, 3. Alijon Alijonov, 6. Doston Ibragimov, 7. Komil Tojidinov, 15. Shokirjon Yoqubjonov, 23. Bilol Sharafuddinov, 25. Asilbek No'monov.

Nazoratchi: V. Kasaev.

"Qo'qon-1912": Rayevacdan dubl va navbatdagi g'alaba