Kecha Qo'qon shahridagi “Ahmadxon sport majmuasi”da, Qo'qon shahar xokimligi, Farg'ona viloyat futbol assosaciyasi hamda viloyat turizm va sport boshqarmasi hamkorligida, 2007-2008, 2009-2010 , 2011-2012 yillarda tug'ilgan bolalar va o'smirlar o'rtasida, O'zbekiston respublikasi mustaqilligining 30 yilligiga bag'ishlangan “Qo'qon shahar xokimi kubogi” uchun halqaro musobaqa start oldi.

Musobaqada respublikamizning turli viloyatlaridan ham qo'shni Qirg'iston respublikasidan tashrif buyurgan, jami 54 ta jamoa ishtirok etmoqda. Turnirga taklif qilingan Qozog'iston hamda Tojikistonlik yosh futbolchilar turli sababalargi ko'ra musobaqaga etib kela olishmadi. Kecha Qo'qondagi “Ahmadxon sport majmuasi”da musobaqaning tantanali ochilish marosimi bo'lib o'tdi. Tadbirda viloyat futbol assosaciyasining rahbarlari, Qo'qon shahar xokimligi vakillari, "Qo'qon-1912" jamoasi rahbariyati hamda Qo'qonlik mashhur futbolchi va murabbiylar ishtirok etishdi. Musobaqa tashkilotchilari turnirga tashrif buyurgan barcha yosh futbolchilarga yashash ,ovqatlanish va transport bilan bog'liq barcha sharoitlarini yaratib berishmoqda.

Kechadan boshlab musobaqaning guruh bosqich o'yinlariga start berildi. Futbol bahslari Qo'qondagi “Markaziy”, “Kimyogar” , 2-BO'SMga qarashli stadion hamda “Ahmadxon sport majmuasi” stadionlaridan bo'lib o'tmoqda. Musobaqaga tashrif buyurgan yosh futbolchilar bu kabi turnirlardan katta taassurotlar bilan qaytishlari aniq. G'olib va sovrindorlar tashkilotchilar tomonida qimmatbaho esdalik sovg'alari bilan taqdirlanishadi. Biz Qo'qondagi turnirning natijalari bilan keyingi xabarlarimizda batafsil malumot beramiz.

Akramjon Mamadaliev

Qo'qonda bolalar va o'smirlar o'rtasida yirik halqaro turnir boshlandi (foto)