Vodiy jamoalari o'rtasidagi mintaqaviy bosqichda, Farg'ona, Andijon hamda Qo'qon shaharlarining faxriy futbolchilardan iborat jamoalari ishtirok etishyapti.

Kecha musobaqaning dastlabki o'yini bo'lib o'tdi. Maydonga Farg'ona hamda Andijon jamoalari chiqib kelishdi. Uchrashuvda o'z tarkibiga yaqin o'tmishdagi “Neftchi” yulduzlarini jamlagan Farg'onaliklar 5-1 hisobida g'alabaga erishdilar. Farg'onaliklar safida barcha gollarni Anvar Berdiev kiritgan bo'lsa, Andijonliklarning yagona javob golini Raximjon Qodirov kiritdi.

Bundan bir necha daqiqalar oldin Qo'qondagi “Markaziy” stadionida yana bir o'yin bo'lib o'tdi. O'ziga xos viloyat “derbi”sida , Qo'qon hamda Farg'ona jamoalari o'zaro bahslashdilar. Farg'onaliklar tarkibida Anvar Berdiev, Sherzod Raimjonov, Bahrom Haydarov, Kamol Jo'nashev kabi barcha futbol muxlislariga yaxshi tanish bo'lgan futbolchilar maydonga tushishdi. Qo'qonliklar tarkibida Mamur Mansurov, Said Shokirov, Farxod Musajonov, Sodir Eliboev, Akmal Ortiqov, Avaz Jo'raboev kabi Qo'qon futbolining yorqin namoyondalari maydonda harakat qilishdi. Shiddatli kurashlarga boy tarzda o'tgan o'yinda 0-0 hisobidagi durang natija qayd etildi.

Ertaga musobaqadagi navbatdagi o'yin Qo'qon hamda andijonlik faxriy futbolchilar o'rtasida bo'lib o'tadi.

Akramjon Mamadaliev

Qo'qonda faxriylar o'rtasida musobaqa bo'lib o'tmoqda